Enginn greindist með smit síðasta sólar­hringinn

Enginn greindist með kórónuveiruna síðasta sólarhringinn hér á landi samkvæmt nýjum tölum á Covid.is sem birtar voru um klukkan 13.

Staðfest smit eru því, líkt og í gær, 1.805. Þá eru virk smit á landinu nú þrjú, líkt og í gær.

Alls voru 528 sýni tekin í gær - 153 hjá sýkla- og veirufræðideild Landspítalans og 375 hjaÍslenskri erfðagreiningu og var ekkert þeirra jákvætt. Alls hafa nú verið tekin 60.141 sýni frá upphafi faraldursins.

Enginn liggur inni á sjúkrahúsi með Covid-19 þessa stundina og hafa 1.792 náð bata. Fólk í sóttkví er nú 947, en alls hafa 20.517 lokið sóttkví.

Tíu hafa látist af völdum úr veirunnar.