Árni og Sig­ríður Dögg gengu í það heilaga

Lögmaðurinn og skemmtikrafturinn Árni Helgason og viðskiptafræðingurinn Sigríður Dögg Guðmundsdóttir gengu í það heilaga í Seltjarnarneskirkju fyrr í dag.

Árni greindi frá þessu á Facebook-síðu sinni nú síðdegis. „Haldiði að þessi hafi ekki sagt já við mig. Elska þig ástin mín!“ skrifaði Árni.

Árni hefur getið sér gott orð sem lögmaður, pistlahöfundur, annars þáttastjórnanda Hismisins hlaðvarps, og nú nýlega sem uppistandari. Þá greindi dómsmálaráðherra frá því í lok síðasta mánaðar að Árni hafi tekið við formennsku í þingmannanefnd um málefni útlendinga og innflytjenda. Hann hefur einnig verið virkur innan Sjálfstæðisflokksins og gegndi embætti formanns Heimdallar árið 2009 og 2010.

Sigríður Dögg starfar hjá Íslandsstofu sem fagstjóri ferðaþjónustu. Hún hefur áður starfað meðal annars sem framkvæmdastjóri Ríkis Vatnajökuls.

Þau Árni og Sigríður Dögg hafa lengi verið saman og eiga saman þrjú börn.