Magnús Mar og Sara Henný bætast í hóp eig­enda PWC

Magnús Mar Vignisson og Sara Henný H. Arnbjörnsdóttir hafa bæst í eigendahóp PricewaterhouseCoopers ehf. (PwC).

Þetta kemur fram í tilkynningu frá fyrirtækinu, en þau Magnús Mar og Sara Henný eru bæði löggiltir endurskoðendur.

„Magnús Mar hóf störf hjá PwC árið 2011 og hefur síðan þá unnið á endurskoðunarsviði PwC. Hann lauk meistargráðu í endurskoðun og reikningsskilum frá Háskóla Íslands árið2014 og hlaut löggildingu til endurskoðunarstarfa árið 2016.

Magnús Mar hefur undanfarin ár verið verkefnisstjóri í sumum af stærstu endurskoðunarverkefnum PwC, einkum fjármálafyrirtækjum. Jafnframt hefur hann verið í endurskoðunarteymum fjármálafyrirtækja hjá PwC í Svíþjóð.“

Sara hóf störf hjá PwC árið 2008, fyrst sem móttökuritari en síðar á endurskoðunarsviði félagsins.

„Hún lauk meistaragráðu í endurskoðun og reikningsskilum frá Háskóla Íslands árið 2012 og hlaut löggildingu til endurskoðunarstarfa árið 2017.

Sara hefur undanfarin ár verið verkefnisstjóri í sumum af stærstu endurskoðunarverkefnum PwC, einkum skráðum félögum og einingum tengdum almannahagsmunum.“

Á Íslandi starfa um 120 manns hjá PWC og eigendurnir sautján.