Tveir fluttir á slysa­deild eftir bíl­veltu

Tveir voru fluttir á slysadeild til skoðunar eftir bílveltu á mislægum gatnamótum Miklubrautar og Sæbrautar um fjögurleytið í dag. Bíllinn valt efst í fráreininni frá sæbraut upp á Miklubraut og þurfti lögregla að loka akreininni um stund vegna óhappsins. Nokkrar umferðartafir sköpuðust því vegna þessa.

Samkvæmt upplýsingum frá slökkviliði höfuðborgarsvæðisins komust ökumaður og farþegi út úr bílnum af sjálfstáðum. Meiðsl þeirra virtust hafa verið óveruleg. Þá er ekki vitað hvers vegna bíllinn valt.