Sjáðu ótrúlegt mark Bryan og fagnaðarlæti Fulham

Fulham tryggði sér sæti í ensku úrvalsdeildinni með 2-1 sigri á Brentford í kvöld er liðin mættust í úrslitaleik umspilsins í B-deildinni. Liðin sem enda í 3. til 6. sæti leika innbyrðis um síðasta lausa sætið í úrvalsdeildinni. 

Leikið var á tómum Wembley og andrúmsloftið eftir því. Leikurinn fór alla leið í framlengingu en fyrsta mark leiksins kom á 105. mínútu. Það var stórbrotið eins og má sjá hér að neðan. Bryan skoraði annað mark Fulham þegar skammt var eftir af leiknum og því var mark Brentford í uppbótartíma ekkert nema sárabótarmark sem engu skipti.

Fulham vann leikinn því 2-1 og fylgir Leeds United og West Bromwich Albion upp um deild.

Scott Parker stýrði liðinu þar með upp í ensku úrvalsdeildina á sínu fyrsta heila tímabili sem aðalþjálfari en hann tók við eftir að Claudio Ranieri var rekinn í febrúar á síðasta ári. Liðið skítféll úr úrvalsdeildinni en er nú komið aftur í deild þeirra bestu. 

Parker var - eðlilega - tolleraður í fagnaðarlátunum.

Landsliðsmaðurinn Hörður Björgvin Magnússon lék á sínum tíma með Joe Bryan hjá Bristol City. Hann var ánægður með sinn mann í kvöld.