Öllum leikjum á laugar­dag frestað | Óvíst með sunnu­daginn

Knattspyrnusamband Íslands, KSÍ, hefur ákveðið að fresta öllum leikjum í meistaraflokki karla og kvenna sem fram eiga að fara nú á laugardaginn 8. ágúst. Ákvörðun varðandi leiki á sunnudag verður tekin fyrir klukkan 14.00 á morgun, föstudaginn 7. ágúst.

Þetta kom fram í tilkynningu sem KSÍ birti á vef sínum rétt í þessu. Þar er einnig sagt að öllum leikjum í 2. og 3. flokki karla og kvenna verði frestað fram yfir helgi.

Ástæðan eru hertar aðgerðir gegn kórónufaraldrinum sem hefur nú blossað upp að nýju hér á landi. Hvert framhaldið verður er óvíst en ljóst er að KSÍ getur ekki frestað til lengri tíma án þess að setja Íslandsmótið í knattspyrnu í hættu.