Sex í gæsluvarðhald eftir umfangsmiklar aðgerðir lögreglu

Sex manns voru í dag úrskurðaðir í gæsluvarðhald að kröfu lögreglunnar á höfuðborgarsvæðinu í þágu rannsóknar á skipulagðri brotastarfsemi sem snýr meðal annars að framleiðslu fíkniefna og peningaþvætti, þetta kemur fram í tilkynningu frá lögreglunni á höfuðborgarsvæðinu.

Sexmenningarnir voru handteknir á síðasta sólarhring í umfangsmiklum aðgerðum lögreglunnar en ráðist var í húsleitir á höfuðborgarsvæðinu. Í leitunum var lagt hald á fíkniefni vopn og fjármuni.

Fimm hafa verið úrskurðaðir í gæsluvarðhald til 31. janúar en einn til 27. janúar. Eru þeir úrskuðaðir í gæsluvarðhald á grundvelli rannsóknarhagsmuna.