Noregs­konungur aftur mættur til vinnu eftir veikindi

Haraldur Noregskonungur er aftur mættur til vinnu eftir að hafa dvalið á sjúkrahúsi síðustu daga vegna veikinda.

Hinn 82 ára Haraldur var lagður inn á Ríkissjúkrahúsið í Osló fyrir um tveimur vikum eftir að hafa kvartað yfir svima og dvaldi hann þar í rúma viku. Þurfti að hann að afboða komu sína á nokkra viðburði vegna veikindanna.

NRK greinir nú frá því að konungur sé nú aftur mættur til vinnu og hyggst mæta á fund ríkisstjórnar landsins á morgun.

Er búist við að Erna Solberg forsætisráðherra muni þar tilkynna um nýja ráðherra í ríkisstjórn landsins, en Siv Jensen, leiðtogi Framfaraflokksins, greindi frá því á dögunum að flokkurinn myndi hverfa úr ríkisstjórn.