Snorri Pétur til Kea­hótela

Snorri Pétur Eggertsson hefur tekið við starfi framkvæmdastjóra sölu- og markaðssviðs og tekjustýringar hjá Keahótelum.

Í tilkynningu segir að hann muni einnig leiða innleiðingu á nýjum hótel- og sölukerfum hjá keðjunni.

„Snorri Pétur er rafmagnsverkfræðingur frá Háskóla Íslands. Hann starfaði áður um fimm ára skeið hjá WOW air, m.a. sem framkvæmdastjóri tekjustýringar en Snorri hefur verið viðloðandi flugrekstur í 15 ár.

Sölu- og markaðsstarf Keahótela hefur að mestu verið flutt frá Akureyri til Reykjavíkur og nýr markaðsstjóri og verkefnastjóri ráðnir á skrifstofu Keahótela í Reykjavík. Fyrirhugað er að efla teymið þar enn frekar í náinni framtíð,“ segir í tilkyningunni.

Keahótel rekur ellefu hótel, þar af sjö í Reykjavík, tvö á Akureyri, eitt við Mývatn og eitt við Vík,“ segir í tilkynningunni.