Ajax staðfestir að Ziyech fari til Chelsea

Ajax hefur staðfest að Hakim Ziyech gangi til liðs við Chelsea eftir tímabilið.

Hey @ChelseaFC, you have to believe in his magic.

And great things will happen.

pic.twitter.com/XMYCtuYR2e

— AFC Ajax (@AFCAjax) February 13, 2020

Talið er að Chelsea borgi tæpar 38 milljónir punda fyrir hinn 26 ára Ziyech.

Marokkóinn hefur leikið með Ajax síðan 2016. Hann var í lykilhlutverki hjá Ajax þegar liðið vann tvöfalt á síðasta tímabili og komst í undanúrslit Meistaradeildar Evrópu.

Ziyech er fæddur í Hollandi og hefur leikið þar alla tíð, fyrst Heerenveen, svo Twente og loks Ajax.

Hann hefur skorað átta mörk í 25 leikjum í öllum keppnum á þessu tímabili. Á því síðasta skoraði hann 21 mark í 49 leikjum.