Harden og Westbrook óstöðvandi gegn Utah | Engin vandamál hjá Milwaukee

James Harden og Russell Westbrook fóru mikinn þegar Houston Rockets sigraði Utah Jazz, 110-120, í NBA-deildinni í körfubolta í nótt.

Harden skoraði 38 stig og Westbrook 34. Saman voru þeir því með 72 af 120 stigum Houston sem hefur unnið þrjá leiki í röð.

72 COMBINED for Harden & Russ!

@JHarden13: 38 PTS

@russwest44: 34 PTS pic.twitter.com/GvtbyMxg1x

— NBA (@NBA) February 23, 2020

Sex aðrir leikir fóru fram í NBA í nótt.

Milwaukee Bucks, besta lið deildarinnar, átti ekki í miklum vandræðum með að vinna Philadelphia 76ers, 119-98. Milwaukee hefur unnið 26 af 29 heimaleikjum sínum í vetur.

Giannis Antetokounmpo skoraði 31 stig fyrir Milwaukee á aðeins 29 mínútum. Hann tók einnig 17 fráköst og gaf átta stoðsendingar. Khris Middleton skoraði 25 stig og tók níu fráköst.

@Giannis_An34 (31 PTS, 17 REB, 8 AST) goes for 30+ PTS, 15+ REB and 5+ AST for the 12th time this season. #FearTheDeerpic.twitter.com/wSfwz6CqLC

— NBA (@NBA) February 23, 2020

Los Angeles Clippers tapaði þriðja leiknum í röð þegar liðið laut í lægra haldi fyrir Sacramento Kings, 103-112, á heimavelli.

Kent Bazemore skoraði 23 stig fyrir Sacramento sem hefur unnið tvo leiki í röð.

Kawhi Leonard skoraði 31 stig fyrir Clippers en hinir fjórir í byrjunarliðinu voru aðeins með samtals 26 stig.

Úrslitin í nótt:

Utah 110-120 Houston

Milwaukee 119-98 Philadelphia

LA Clippers 103-112 Sacramento

Charlotte 86-115 Brooklyn

Atlanta 111-107 Dallas

Miami 124-105 Cleveland

Chicago 104-112 Phoenix

The updated NBA standings through Saturday's action. pic.twitter.com/4YMDOqLzSS

— NBA (@NBA) February 23, 2020