Háskóladeginum á Akureyri slegið á frest

Háskóladeginum á Akureyri, sem átti að fara fram á morgun, laugardaginn 7. mars hefur verið frestað. Þetta kemur fram í tilkynningu frá verkefnastjóra Háskóladagsins, Hjördísi Guðmundsdóttur.

Í tilkynningunni segir að vegna ákvörðunar um að hækka hættustig almannavarna upp í neyðarstig vegna kórónuveirunnar, hafi rektorar allra sjö háskóla landsins tekið ákvörðun um að fresta Háskóladeginum á Akureyri um óákveðinn tíma.

Allir sjö háskólar landsins standa saman að Háskóladeginum og fór Reykjavíkurhluti hans fram laugardaginn 29. febrúar síðastliðinn.