Berfætt í slæmu ástandi á Ísafirði Kolbeinn Tumi Daðason skrifar 8. september 2020 13:31 Matvörupoka var stolið af viðskiptavini í Bónus í vikunni. Vísir/Vilhelm Stúlka í slæmu ástandi, berfætt og í náttfötum, svaf öryggis síns vegna af sér í fangaklefa á Ísafirði í síðustu viku. Í skýrslu lögreglunnar á Vestfjörðum kemur fram að lögreglu hafi ekki tekist að komast að áformum hennar eða dvalarstað. Var hún því látin sofa úr sér vímuna. Var henni ekið til síns heima daginn eftir, þegar hún gat upplýst um þann stað. Var þetta þriðjudaginn 1. september. Þetta var á meðal verkefna lögreglunnar í síðustu viku sem kom einnig að hópslagsmálum á Bíldudal og þjófnaði á fullum matvörupoka í Bónus á Ísafirði. Þá hefur karlmaður látið ófriðlega við nágranna sinn í bænum undanfarið. Miðvikudaginn 2. september hafði lögregla afskipti af manninum sem birtist á svölum nágranna síns á Ísafirði miðvikudaginn í síðustu viku. Kvaðst maðurinn vera læstur úti og þyrfti að komast heim til sín en hann reyndist vera í annarlegu ástandi að sögn lögreglu. Þá veittist maðurinn að gestkomandi á sama heimili þegar hann var beðinn um að fara aftur í sína íbúð. Maðurinn hlýddi svo ekki fyrirmælum lögreglu og hrækti í átt að lögreglumanni. Var hann vistaður í fangaklefa um nóttina. Þurfti lögregla að hafa aftur afskipti af honum síðar í vikunni vegna áreitis við nágranna sína. Á fimmtudag var björgunarsveit kölluð út vegna þakjárns sem var að fljúga af þaki á Suðureyri sökum veðurs. Einnig var tilkynnt um fjúkandi trampólín á Ísafirði. Eigandi þess náði þó að koma og taka það niður áður en tjón hlaust af. Lögregla hvetur eigendur lausamuna að tryggja að þeir fjúki ekki. Slagsmál brutust út milli nokkurra aðila á Bíldudal á föstudag. Einhverjir hlutu áverka og var því kallað eftir sjúkrabíl til að hlúa að þeim. Eftir átökin dró einn aðilinn upp hníf og var hann handtekinn í kjölfarið og vistaður í fangaklefa til næsta morguns. Atvikið er til rannsóknar hjá lögreglunni. Á laugardag slasaðist ung stúlka á höfði eftir að hafa ekið fjórhjóli fram af árbakka. Var hún flutt á slysadeild í Fossvogi vegna áverka sinna, en reyndist vera óbrotin. Maður sem var með henni á fjórhjóli hlaut mar og skrámur en heill að öðru leyti. Sama dag var matvörupoka stolið úr anddyrinu verslunar Bónuss á Ísafirði meðan eigandi hans brá sér frá í stundarkorn, inn í aðra verslun. Málið er í rannsókn og þiggur lögreglan upplýsingar um gerandann, ef einhver býr að þeim. Þá voru unnin skemmdarverk á kyrrstæðri bifreið á Ísafirði. Búið var að sparka í hægri afturhurð bifreiðarinnar þegar eigandi hennar kom að henni á bifreiðastæði við íþróttahúsið á Torfnesi. Stór beygla var sjáanleg á bifreiðinni og skófar í beyglunni. Ekki er vitað hver var að verki en hafi einhver upplýsingar um verknaðinn er viðkomandi beðinn um að hafa samband við lögreglu. Sex ökumenn voru kærðir fyrir of hraðan akstur. Sá sem hraðast ók var stöðvaður við akstur á Djúpvegi við Þröskulda á 124 kílómetra hraða þar sem leyfilegur hraði er 90 km. Fimm ökumannanna voru stöðvaðir við akstur á Djúpvegi en einn við Vestfjarðagöng. Einn ökumaðurinn virtist vera í annarlegu ástandi er hann var stöðvaður og reyndist vera undir áhrifum vímuefna. „Talsvert er um að ekið sé á búfé sem eru oft á beit við vegi umdæmisins. Eru ökumenn beðnir um að hafa þessa hættu í huga þegar ekið er um þjóðvegina,“ segir í tilkynningu lögreglu. Þá er til rannsóknar innbrot í aðstöðu dýralæknis á Ísafirði, aðfaranótt síðastliðins mánudags. Þiggur lögreglan allar upplýsingar sem almenningur getur veitt. Ísafjarðarbær Lögreglumál Mest lesið Segist hafa tryllst þegar Hafdís hótaði forræðissviptingu Innlent Segjast hafa skotið niður indverskar herþotur Erlent Moskítóflugur muni koma til Íslands Innlent Vilja að ríkisstarfsmenn geti starfað til 73 ára aldurs Innlent Auka njósnir og eftirlit á Grænlandi Erlent Bein útsending: Páfakjör í Páfagarði Erlent Alþingi hafi mistekist að tryggja þjóðinni eðlilegan hlut Innlent Sex evrópskir utanríkisráðherrar skora á Ísrael Innlent Borin út úr Bríetartúni: „Það er búið að ræna mig öllu“ Innlent Misstu aðra herþotu í sjóinn Erlent Fleiri fréttir Sagðir hafa stolið viðkvæmum rannsóknargögnum frá lögreglu og saksóknara Bein útsending: Staða ungs fatlaðs fólks á húsnæðis- og leigumarkaði Segist hafa tryllst þegar Hafdís hótaði forræðissviptingu Ekkert sem bendi til málþófs um veiðigjöld Þeir sem gangi inn sem páfaefni gangi út sem kardinálar Skorað á Ísraela og átök hafin milli Indlands og Pakistans Ekki hægt að renna sér í Lágafellslaug næstu vikuna Rekstur Reykjanesbæjar fram úr vonum vegna hærri útsvarstekna Veiðigjöldin enn rædd en þó ekki á dagskrá í dag Sex evrópskir utanríkisráðherrar skora á Ísrael Stútur á 106 þar sem hámarkshraði var sextíu Vilja að ríkisstarfsmenn geti starfað til 73 ára aldurs Alþingi hafi mistekist að tryggja þjóðinni eðlilegan hlut Boða sprengingar við Hvammsvirkjun í allt sumar Moskítóflugur muni koma til Íslands Áberandi ráðamenn „keppist við að hnykla vöðva sína, beita hótunum og þvingunum“ Ekki inni í myndinni að fyrirkomulag hvalveiða haldist óbreytt Fékk rætin skilaboð vegna veðmála eftir að hafa klikkað á vítum Borin út úr Bríetartúni: „Það er búið að ræna mig öllu“ Álfurinn í landsliðsbúningi í ár Líflátshótanir í kjölfar veðmála og óttaslegin eftir útburð Þrír fluttir á sjúkrahús eftir umferðarslys við Smáralind Ekki talin yfirvofandi hætta en maðurinn geti orðið hættulegur Núverandi fyrirkomulag „virðist hylma yfir ábyrgð og gagnsæi“ Ítarleg skýrsla á borði ráðherra Inga skipar konu í stað karls í stjórn HMS Óboðlegt að vera „friðardúfur“ í kosningabaráttu og horfa síðan þögul á „hryllingsmynd í beinni“ Líkur á nýju gosi munu aukast þegar líða fer á haustið „Því miður er þetta þrautalending“ Reikningum Flokks fólksins lokað um stund Sjá meira
Stúlka í slæmu ástandi, berfætt og í náttfötum, svaf öryggis síns vegna af sér í fangaklefa á Ísafirði í síðustu viku. Í skýrslu lögreglunnar á Vestfjörðum kemur fram að lögreglu hafi ekki tekist að komast að áformum hennar eða dvalarstað. Var hún því látin sofa úr sér vímuna. Var henni ekið til síns heima daginn eftir, þegar hún gat upplýst um þann stað. Var þetta þriðjudaginn 1. september. Þetta var á meðal verkefna lögreglunnar í síðustu viku sem kom einnig að hópslagsmálum á Bíldudal og þjófnaði á fullum matvörupoka í Bónus á Ísafirði. Þá hefur karlmaður látið ófriðlega við nágranna sinn í bænum undanfarið. Miðvikudaginn 2. september hafði lögregla afskipti af manninum sem birtist á svölum nágranna síns á Ísafirði miðvikudaginn í síðustu viku. Kvaðst maðurinn vera læstur úti og þyrfti að komast heim til sín en hann reyndist vera í annarlegu ástandi að sögn lögreglu. Þá veittist maðurinn að gestkomandi á sama heimili þegar hann var beðinn um að fara aftur í sína íbúð. Maðurinn hlýddi svo ekki fyrirmælum lögreglu og hrækti í átt að lögreglumanni. Var hann vistaður í fangaklefa um nóttina. Þurfti lögregla að hafa aftur afskipti af honum síðar í vikunni vegna áreitis við nágranna sína. Á fimmtudag var björgunarsveit kölluð út vegna þakjárns sem var að fljúga af þaki á Suðureyri sökum veðurs. Einnig var tilkynnt um fjúkandi trampólín á Ísafirði. Eigandi þess náði þó að koma og taka það niður áður en tjón hlaust af. Lögregla hvetur eigendur lausamuna að tryggja að þeir fjúki ekki. Slagsmál brutust út milli nokkurra aðila á Bíldudal á föstudag. Einhverjir hlutu áverka og var því kallað eftir sjúkrabíl til að hlúa að þeim. Eftir átökin dró einn aðilinn upp hníf og var hann handtekinn í kjölfarið og vistaður í fangaklefa til næsta morguns. Atvikið er til rannsóknar hjá lögreglunni. Á laugardag slasaðist ung stúlka á höfði eftir að hafa ekið fjórhjóli fram af árbakka. Var hún flutt á slysadeild í Fossvogi vegna áverka sinna, en reyndist vera óbrotin. Maður sem var með henni á fjórhjóli hlaut mar og skrámur en heill að öðru leyti. Sama dag var matvörupoka stolið úr anddyrinu verslunar Bónuss á Ísafirði meðan eigandi hans brá sér frá í stundarkorn, inn í aðra verslun. Málið er í rannsókn og þiggur lögreglan upplýsingar um gerandann, ef einhver býr að þeim. Þá voru unnin skemmdarverk á kyrrstæðri bifreið á Ísafirði. Búið var að sparka í hægri afturhurð bifreiðarinnar þegar eigandi hennar kom að henni á bifreiðastæði við íþróttahúsið á Torfnesi. Stór beygla var sjáanleg á bifreiðinni og skófar í beyglunni. Ekki er vitað hver var að verki en hafi einhver upplýsingar um verknaðinn er viðkomandi beðinn um að hafa samband við lögreglu. Sex ökumenn voru kærðir fyrir of hraðan akstur. Sá sem hraðast ók var stöðvaður við akstur á Djúpvegi við Þröskulda á 124 kílómetra hraða þar sem leyfilegur hraði er 90 km. Fimm ökumannanna voru stöðvaðir við akstur á Djúpvegi en einn við Vestfjarðagöng. Einn ökumaðurinn virtist vera í annarlegu ástandi er hann var stöðvaður og reyndist vera undir áhrifum vímuefna. „Talsvert er um að ekið sé á búfé sem eru oft á beit við vegi umdæmisins. Eru ökumenn beðnir um að hafa þessa hættu í huga þegar ekið er um þjóðvegina,“ segir í tilkynningu lögreglu. Þá er til rannsóknar innbrot í aðstöðu dýralæknis á Ísafirði, aðfaranótt síðastliðins mánudags. Þiggur lögreglan allar upplýsingar sem almenningur getur veitt.
Ísafjarðarbær Lögreglumál Mest lesið Segist hafa tryllst þegar Hafdís hótaði forræðissviptingu Innlent Segjast hafa skotið niður indverskar herþotur Erlent Moskítóflugur muni koma til Íslands Innlent Vilja að ríkisstarfsmenn geti starfað til 73 ára aldurs Innlent Auka njósnir og eftirlit á Grænlandi Erlent Bein útsending: Páfakjör í Páfagarði Erlent Alþingi hafi mistekist að tryggja þjóðinni eðlilegan hlut Innlent Sex evrópskir utanríkisráðherrar skora á Ísrael Innlent Borin út úr Bríetartúni: „Það er búið að ræna mig öllu“ Innlent Misstu aðra herþotu í sjóinn Erlent Fleiri fréttir Sagðir hafa stolið viðkvæmum rannsóknargögnum frá lögreglu og saksóknara Bein útsending: Staða ungs fatlaðs fólks á húsnæðis- og leigumarkaði Segist hafa tryllst þegar Hafdís hótaði forræðissviptingu Ekkert sem bendi til málþófs um veiðigjöld Þeir sem gangi inn sem páfaefni gangi út sem kardinálar Skorað á Ísraela og átök hafin milli Indlands og Pakistans Ekki hægt að renna sér í Lágafellslaug næstu vikuna Rekstur Reykjanesbæjar fram úr vonum vegna hærri útsvarstekna Veiðigjöldin enn rædd en þó ekki á dagskrá í dag Sex evrópskir utanríkisráðherrar skora á Ísrael Stútur á 106 þar sem hámarkshraði var sextíu Vilja að ríkisstarfsmenn geti starfað til 73 ára aldurs Alþingi hafi mistekist að tryggja þjóðinni eðlilegan hlut Boða sprengingar við Hvammsvirkjun í allt sumar Moskítóflugur muni koma til Íslands Áberandi ráðamenn „keppist við að hnykla vöðva sína, beita hótunum og þvingunum“ Ekki inni í myndinni að fyrirkomulag hvalveiða haldist óbreytt Fékk rætin skilaboð vegna veðmála eftir að hafa klikkað á vítum Borin út úr Bríetartúni: „Það er búið að ræna mig öllu“ Álfurinn í landsliðsbúningi í ár Líflátshótanir í kjölfar veðmála og óttaslegin eftir útburð Þrír fluttir á sjúkrahús eftir umferðarslys við Smáralind Ekki talin yfirvofandi hætta en maðurinn geti orðið hættulegur Núverandi fyrirkomulag „virðist hylma yfir ábyrgð og gagnsæi“ Ítarleg skýrsla á borði ráðherra Inga skipar konu í stað karls í stjórn HMS Óboðlegt að vera „friðardúfur“ í kosningabaráttu og horfa síðan þögul á „hryllingsmynd í beinni“ Líkur á nýju gosi munu aukast þegar líða fer á haustið „Því miður er þetta þrautalending“ Reikningum Flokks fólksins lokað um stund Sjá meira