„Miklu auðveldara að syrgja dáinn pabba heldur en að syrgja lifandi pabba“ Stefán Árni Pálsson skrifar 25. september 2020 07:00 Þuríður Blær opnaði sig um samband sitt við föður sinn í spjalli við Snæbjörn Ragnarsson. Þuríður Blær er leikkona, rappari, femínisti, nýbökuð móðir, nörd og margt fleira en hún er gestur vikunnar hjá Snæbirni Ragnarssyni sem heitir einfaldlega Snæbjörn talar við fólk. Þurðíður stofnaði Reykjavíkurdætur árið 2013 og hefur fylgt því ævintýri í gegnum súrt og sætt. Hún fékk óhefðbundið uppeldi, faðir hennar var bæði róni og dópisti eins og hún segir sjálf og lést hann fyrir tæpu ári. Hún er hrædd við dauðann en virðist óhrædd að takast á við allt sem á vegi hennar verður. Borgarleikhúsið er hennar aðalvinnustaður en hún kemur með annars fram í stóru hlutverki í Ráðherranum á RÚV. Í þættinum fer Þuríður yfir allt milli himins og jarðar og ræðir meðal annars um samband sitt við föður sinn. Umræðan um samband hennar við hann hefst þegar 1:39 er liðið af þættinum. „Mér finnst ekkert erfitt að tala um þetta. Hann dó á þessu ári og var útigangsmaður frá því að ég man eftir mér. Hann hét Jóhann Vísir Gunnarsson og var mjög frjór maður og mjög skapandi en bara veikur. Hann var með geðhvarfasýki og allskonar eitthvað annað í gangi hjá honum,“ segir Þuríður og heldur áfram. Bjó í gámi út á Granda „Hann fúnkeraði aldrei í samfélaginu og var bara róni úti á götu. Hann bjó síðustu árin í gámi úti á Granda. Ég hef bara alltaf vitað af honum þannig. Ég átti annan fósturpabba sem ól mig frekar upp, sem var reyndar líka snargeðveikur.“ Hún segir að móðir hennar og faðir hafi verið par fyrstu ár ævi hennar. Síðan hafi sambandið endað og faðir Þuríðar var næstu árin þessi Austurvallarróni eins og hún orðar það sjálf. „Ég var kannski úti að labba með vinkonum mínum og þá kemur einhver maður labbandi að okkur og vinkonur mínar urðu hræddar. Þá sagði ég, nei pabbi hvað segir þú? Mér fannst þetta aldrei mikið mál og varð ekkert vandræðalegt. Kannski fannst mér þetta bara smá töff, að þekkja alla rónana,“ segir Þuríður sem upplifði alveg einnig einhverja skömm þegar hún var yngri. „Hann var allt sitt líf algjör fíkill í allt. Þetta var allur pakkinn, sprautur og allt. Þegar ég var byrjuð í Borgarleikhúsinu fyrir nokkrum árum þá varð hann edrú. Fór í langa meðferð og hafði þá oft samband við mig og vildi hitta mig. Ég hitti hann stundum en svo bara nennti ég því stundum ekki. Þá fékk maður þá tilfinningu að ég bæri ábyrgð á hans edrúmennsku, því hann átti engan að. Allir hans vinir síðustu fjörutíu ár eru í neyslu eða dauðir.“ Þuríður Blær eignaðist sitt fyrsta barn fyrr á þessu ári en hún er í sambandi með Guðmundi Felixsyni. Hún sagði pabba sínum að hún ætti von á barni á dánarbeðinu. „Hann verður veikur og fær ristilkrabbamein og vissi lengi að hann væri með það. Hann þurfti að verða edrú til að geta farið í aðgerð og hann fer þá inn á geðdeild og nær að verða edrú þar, í raun í sjálfskipuðu fangelsi. Það var svolítið góður tími þegar við systkinin náðum að kynnast honum upp á nýtt.“ Fyrirhugað var að flytja föður hennar í sérstakt úrræði áður en hann færi í geislameðferð. „Nóttina áður en það átti að flytja hann fær hann eitthvað drep og það er strax hringt í okkur. Þetta er dagurinn sem ég er að fara í minn fyrsta sónar. Það er bara hringt í okkur og það er sagt við okkur, þið verðið að koma að kveðja hann. Við förum upp á bráðamóttöku og það er verið að halda honum lifandi en hann er bara sofandi,“ segir Þuríður en þau systkinin og mamma hennar eyddu deginum saman uppi á spítala. „Það fá allir að kveðja hann og ég segi honum að ég sé ólétt og ég bara vona að hann hafi heyrt það. Þetta var frekar magnað móment. Ég er í raun glöð að hann hafi dáið edrú í faðmi fjölskyldunnar. Þegar maður á pabba sem er útigangsmaður, þá heldur maður oft að það sé verið að fjalla um pabba sinn í blöðunum. Svona nær maður að syrgja almennilega. Það er miklu auðveldara að syrgja dáinn pabba heldur en að syrgja lifandi pabba. Hann var aldrei almennilega lifandi.“ Ástin og lífið Snæbjörn talar við fólk Mest lesið Hvar er Donald Trump? Lífið „Einhvern tímann verðurðu að leyfa barninu þínu að flytja að heiman“ Lífið Fréttatía vikunnar: Fellibylur, körfubolti og Laufey Lífið Hátíðin áminning um að veganismi sé lífsstíll en ekki megrunarkúr Lífið „Þetta var eins og Atlantis sem sökk“ Lífið Svona heppnaðist hárígræðslan hjá Baldri og Einari Lífið Jón Ólafs og Hildur Vala keyptu í Vesturbænum Lífið Flottar flíkur og fylgihlutir fyrir haustið Lífið Leggst undir hnífinn vegna brjóstakrabbameins og frestar túrnum Lífið Smashing Pumpkins pumpuðu upp stemningu – en listin varð undir hávaðanum Gagnrýni Fleiri fréttir Hvar er Donald Trump? Hátíðin áminning um að veganismi sé lífsstíll en ekki megrunarkúr Fréttatía vikunnar: Fellibylur, körfubolti og Laufey Flottar flíkur og fylgihlutir fyrir haustið Indversk pizza að hætti Rakelar Maríu Trúlofuð en ekki búin að flytja inn saman „Einhvern tímann verðurðu að leyfa barninu þínu að flytja að heiman“ Bananakaka með silkimjúku súkkulaðikremi Svona heppnaðist hárígræðslan hjá Baldri og Einari Taka fyrir sambönd flugfreyja og flugmanna út frá sögum úr bransanum Jón Ólafs og Hildur Vala keyptu í Vesturbænum Leggst undir hnífinn vegna brjóstakrabbameins og frestar túrnum „Þetta var eins og Atlantis sem sökk“ Hafdís Huld bæjarlistamaður Mosfellsbæjar Vinsælast á Netflix og Spotify: Kóreskir djöflaveiðarar tröllríða öllu Silkimjúk súpa fyrir sálina Eru smáhrifavaldar að taka yfir markaðinn? Sex bestu veitingastaðirnir í Skandinavíu Býr beint fyrir neðan barnsmóður sína Fjölgar í fjölskyldu Maríu Birtu og Ella Ástarleikir á fjölbreyttum stöðum Fullkominn kókos og chiagrautur að hætti Elísabetar Mettu Sóley og Kormákur skáluðu í síðsumarsólinni Segir lýtaaðgerðir hennar leið til að eldast með reisn Kaupa glæsihús frænku Patriks Opnar sig eftir handtökuna Töluðu íslensku við mannhafið Hin 93 ára Jóhanna skríður enn um garðinn til að halda honum fínum Fárveik í París Fullkominn brúðkaupsdagur í sænskum kastala Sjá meira
Þuríður Blær er leikkona, rappari, femínisti, nýbökuð móðir, nörd og margt fleira en hún er gestur vikunnar hjá Snæbirni Ragnarssyni sem heitir einfaldlega Snæbjörn talar við fólk. Þurðíður stofnaði Reykjavíkurdætur árið 2013 og hefur fylgt því ævintýri í gegnum súrt og sætt. Hún fékk óhefðbundið uppeldi, faðir hennar var bæði róni og dópisti eins og hún segir sjálf og lést hann fyrir tæpu ári. Hún er hrædd við dauðann en virðist óhrædd að takast á við allt sem á vegi hennar verður. Borgarleikhúsið er hennar aðalvinnustaður en hún kemur með annars fram í stóru hlutverki í Ráðherranum á RÚV. Í þættinum fer Þuríður yfir allt milli himins og jarðar og ræðir meðal annars um samband sitt við föður sinn. Umræðan um samband hennar við hann hefst þegar 1:39 er liðið af þættinum. „Mér finnst ekkert erfitt að tala um þetta. Hann dó á þessu ári og var útigangsmaður frá því að ég man eftir mér. Hann hét Jóhann Vísir Gunnarsson og var mjög frjór maður og mjög skapandi en bara veikur. Hann var með geðhvarfasýki og allskonar eitthvað annað í gangi hjá honum,“ segir Þuríður og heldur áfram. Bjó í gámi út á Granda „Hann fúnkeraði aldrei í samfélaginu og var bara róni úti á götu. Hann bjó síðustu árin í gámi úti á Granda. Ég hef bara alltaf vitað af honum þannig. Ég átti annan fósturpabba sem ól mig frekar upp, sem var reyndar líka snargeðveikur.“ Hún segir að móðir hennar og faðir hafi verið par fyrstu ár ævi hennar. Síðan hafi sambandið endað og faðir Þuríðar var næstu árin þessi Austurvallarróni eins og hún orðar það sjálf. „Ég var kannski úti að labba með vinkonum mínum og þá kemur einhver maður labbandi að okkur og vinkonur mínar urðu hræddar. Þá sagði ég, nei pabbi hvað segir þú? Mér fannst þetta aldrei mikið mál og varð ekkert vandræðalegt. Kannski fannst mér þetta bara smá töff, að þekkja alla rónana,“ segir Þuríður sem upplifði alveg einnig einhverja skömm þegar hún var yngri. „Hann var allt sitt líf algjör fíkill í allt. Þetta var allur pakkinn, sprautur og allt. Þegar ég var byrjuð í Borgarleikhúsinu fyrir nokkrum árum þá varð hann edrú. Fór í langa meðferð og hafði þá oft samband við mig og vildi hitta mig. Ég hitti hann stundum en svo bara nennti ég því stundum ekki. Þá fékk maður þá tilfinningu að ég bæri ábyrgð á hans edrúmennsku, því hann átti engan að. Allir hans vinir síðustu fjörutíu ár eru í neyslu eða dauðir.“ Þuríður Blær eignaðist sitt fyrsta barn fyrr á þessu ári en hún er í sambandi með Guðmundi Felixsyni. Hún sagði pabba sínum að hún ætti von á barni á dánarbeðinu. „Hann verður veikur og fær ristilkrabbamein og vissi lengi að hann væri með það. Hann þurfti að verða edrú til að geta farið í aðgerð og hann fer þá inn á geðdeild og nær að verða edrú þar, í raun í sjálfskipuðu fangelsi. Það var svolítið góður tími þegar við systkinin náðum að kynnast honum upp á nýtt.“ Fyrirhugað var að flytja föður hennar í sérstakt úrræði áður en hann færi í geislameðferð. „Nóttina áður en það átti að flytja hann fær hann eitthvað drep og það er strax hringt í okkur. Þetta er dagurinn sem ég er að fara í minn fyrsta sónar. Það er bara hringt í okkur og það er sagt við okkur, þið verðið að koma að kveðja hann. Við förum upp á bráðamóttöku og það er verið að halda honum lifandi en hann er bara sofandi,“ segir Þuríður en þau systkinin og mamma hennar eyddu deginum saman uppi á spítala. „Það fá allir að kveðja hann og ég segi honum að ég sé ólétt og ég bara vona að hann hafi heyrt það. Þetta var frekar magnað móment. Ég er í raun glöð að hann hafi dáið edrú í faðmi fjölskyldunnar. Þegar maður á pabba sem er útigangsmaður, þá heldur maður oft að það sé verið að fjalla um pabba sinn í blöðunum. Svona nær maður að syrgja almennilega. Það er miklu auðveldara að syrgja dáinn pabba heldur en að syrgja lifandi pabba. Hann var aldrei almennilega lifandi.“
Ástin og lífið Snæbjörn talar við fólk Mest lesið Hvar er Donald Trump? Lífið „Einhvern tímann verðurðu að leyfa barninu þínu að flytja að heiman“ Lífið Fréttatía vikunnar: Fellibylur, körfubolti og Laufey Lífið Hátíðin áminning um að veganismi sé lífsstíll en ekki megrunarkúr Lífið „Þetta var eins og Atlantis sem sökk“ Lífið Svona heppnaðist hárígræðslan hjá Baldri og Einari Lífið Jón Ólafs og Hildur Vala keyptu í Vesturbænum Lífið Flottar flíkur og fylgihlutir fyrir haustið Lífið Leggst undir hnífinn vegna brjóstakrabbameins og frestar túrnum Lífið Smashing Pumpkins pumpuðu upp stemningu – en listin varð undir hávaðanum Gagnrýni Fleiri fréttir Hvar er Donald Trump? Hátíðin áminning um að veganismi sé lífsstíll en ekki megrunarkúr Fréttatía vikunnar: Fellibylur, körfubolti og Laufey Flottar flíkur og fylgihlutir fyrir haustið Indversk pizza að hætti Rakelar Maríu Trúlofuð en ekki búin að flytja inn saman „Einhvern tímann verðurðu að leyfa barninu þínu að flytja að heiman“ Bananakaka með silkimjúku súkkulaðikremi Svona heppnaðist hárígræðslan hjá Baldri og Einari Taka fyrir sambönd flugfreyja og flugmanna út frá sögum úr bransanum Jón Ólafs og Hildur Vala keyptu í Vesturbænum Leggst undir hnífinn vegna brjóstakrabbameins og frestar túrnum „Þetta var eins og Atlantis sem sökk“ Hafdís Huld bæjarlistamaður Mosfellsbæjar Vinsælast á Netflix og Spotify: Kóreskir djöflaveiðarar tröllríða öllu Silkimjúk súpa fyrir sálina Eru smáhrifavaldar að taka yfir markaðinn? Sex bestu veitingastaðirnir í Skandinavíu Býr beint fyrir neðan barnsmóður sína Fjölgar í fjölskyldu Maríu Birtu og Ella Ástarleikir á fjölbreyttum stöðum Fullkominn kókos og chiagrautur að hætti Elísabetar Mettu Sóley og Kormákur skáluðu í síðsumarsólinni Segir lýtaaðgerðir hennar leið til að eldast með reisn Kaupa glæsihús frænku Patriks Opnar sig eftir handtökuna Töluðu íslensku við mannhafið Hin 93 ára Jóhanna skríður enn um garðinn til að halda honum fínum Fárveik í París Fullkominn brúðkaupsdagur í sænskum kastala Sjá meira