Sjö vilja verða Sýslumaðurinn á höfuðborgarsvæðinu

Alls bárust sjö umsóknir um embætti Sýslumannsins á höfðuborgarsvæðinu og fimm umsóknir um embætti Sýslumannsins á Norðurlandi vestra sem auglýst voru laus til umsóknar á dögunum. Umsóknarfrestur var til og með 1. október.

Meðal umsækjenda um starfið á höfuðborgarsvæðinu er Kristín Völundardóttir, forstjóri Útlendingastofnunar. Kristín hefur verið forstjóri stofnunarinnar undanfarin tíu ár og framlengdi dómsmálaráðherra skipunartímann um fimm ár fyrr á árinu.

Þórólfur Halldórsson er Sýslumaðurinn á höfuðborgarsvæðinu en Bjarni Stefánsson Sýslumaðurinn á Norðurlandi vestra. 

Um embætti Sýslumannsins á höfuðborgarsvæðinu sóttu eftirtaldir:

Petra Baumruk, lögfræðingur

Kristín Völundardóttir, forstjóri Útlendingastofnunar

Þuríður Árnadóttir, sviðstjóri hjá Sýslumanninum á höfuðborgarsvæðinu

Hjördís Stefánsdóttir, sérfræðingur í dómsmálaráðuneytinu

Karl Óttar Pétursson, lögmaður

Úlfar Lúðvíksson, Lögreglustjórinn á Vesturlandi

Sigríður Kristinsdóttir, sviðstjóri stjórnsýslusviðs Hafnarfjarðarkaupstaðar

Um embætti Sýslumannsins á Norðurlandi vestra sóttu eftirtaldir:

Arnar Ágústsson, nemi/ f.v. 1. stýrimaður

Stefán Ólafsson, lögmaður

Birna Ágústsdóttir, löglærður fulltrúi Sýslumaðurinn á Norðurlandi vestra

Björn Hrafnkelsson, fulltrúi hjá Sýslumanninum á Norðurlandi vestra

Karl Óttar Pétursson, lögmaður