Klám og sýndarveruleiki

Rappararnir Emmsjé Gauti og Arnar Freyr úr hljómsveitinni Úlfur Úlfur byrjuðu nýlega með hlaðvarpið Podkastalinn. Nafnið vísar í síðdegisútvarpsþáttinn Kastalann sem strákarnir stýrðu fyrir 6 árum á KissFM. Í þættinum fara þeir um víðan völl og ræða það sem þeir kalla litlu málin.

Í nýjasta þættinum, þeim ellefta í röðinni, eru hraðar tækniframfarir þeim ofarlega í huga. Oftast er talað um framfarir sem jákvæðar, að þær einfaldi eða bæti líf fólk á einhvern hátt. Framfarirnar sem um ræðir eru hins vegar á gráu svæði að mati vinanna og eru þeir sammála um að í stað þess að einfalda og bæta lífs fólk gæti þetta orðið upphafið að einskonar siðrofi. Hlustið á vangaveltur þeirra um sýndarveruleikaklám og gúmmírassa í klippunni hér fyrir neðan.

Hér að neðan má sjá þáttinn í heild sinni.