Héldu sig við dagsetninguna og tóku skyndiákvörðun

Árni Beinteinn og Íris Ragnhildardóttir gengu í það heilaga um helgina en þau hafa unnið tónlist saman að undanförnu auk þess sem Árni er leikari.

Íris greinir frá þessu á Instagram en þar segir að um skyndiákvörðun hafi verið að ræða.

„Þrátt fyrir að hafa þurft að fresta brúðkaupinu okkar og brúðkaupsveislu, þá ákváðum við að halda okkur við upprunalega daginn 10.10.2020 og gifta okkur tvö í lítilli kirkju. Þetta var mjög fallegt og skemmtilegt en ég get ekki beðið eftir alvöru brúðkaupinu okkar og að fá að vera í alvöru brúðarkjól sem verður vonandi sem fyrst,“ segir Íris og bætir við: „Elska þig ástin mín. Nú erum við hjón.“