Sjúkrabílar kallaðir út í 22 verkefni tengd Covid-19

Óvenju mörg verkefni voru á herðum sjúkraflutningamanna síðasta sólarhringinn en alls voru sjúkrabílar boðaðir í 94 verkefni. 22 þeirra voru tengd Covid-19 og voru 34 svokölluð forgangsútköll.

Þá voru dælubílar slökkviliðsins sendir í sex verkefni. Fimm voru flokkuð minni háttar en eitt útkallið var vegna elds í húsnæði Matfugls í Mosfellsbæ. Vísir greindi frá útkallinu í gær en þar hafði eldur komið upp í tæki og fór betur en á horfðist.

„Þetta er ansi mikill fjöldi verkefna svona um helgi,“ segir í færslu slökkviliðsins um verkefnin.