Liverpool horfir til Mílanó til að fylla skarð Dijk

Jurgen Klopp, stjóri Liverpool, er sagður horfa til Mílanóborgar með það fyrir augum að fylla skarð hollenska varnarmannsins Virgil van Dijk sem mun líklega ekki spila meira á þessari leiktíð vegna meiðsla.

Ef marka má ensku dagblöðin í dag mun Liverpool leitast eftir því að fá Milan Skriniar frá Inter Milan þegar opnað verður fyrir félagaskipti í janúar.

Skriniar hefur aðeins komið við sögu í tveimur leikjum í ítölsku úrvalsdeildinni á yfirstandandi leiktíð eftir að hafa verið í algjöru lykilhlutverki í varnarleik liðsins undanfarin ár.

Hefur kórónuveiran haft mikil áhrif á tímabilið hjá Skriniar eftir að hann greindist með hana í heimalandi sínu, Slóvakíu, fyrr í vetur og þurfti hann að dvelja í sóttkví í heimalandinu í kjölfarið.