Tveir leikmenn WBA með veiruna

Nýliðar WBA verða án tveggja mikilvægra leikmanna í dag þegar liðið fær Tottenham í heimsókn þar sem þeir greindust með jákvæð sýni í kórónuveiruskimun liðsins í gær.

Það eru þeir Branislav Ivanovic og Matheus Pereira en báðir hafa þeir verið í lykilhlutverki hjá WBA í vetur.

Leikmenn ensku úrvalsdeildarinnar undirgangast skimun fyrir veirunni reglulega.

WBA er enn í leit að sínum fyrsta sigri í ensku úrvalsdeildinni en liðið hefur fengið þrjú stig út úr fyrstu sjö leikjum sínum í deildinni.