Segir að Patrik verði samherji Stefáns í Danmörku

Ekki er vitað hvort að Silkeborg kaupi Patrik en reikna má með því að um sé að ræða lán eftir að aðalmarkvörður Silkeborg meiddist illa á dögunum.

Patrik var fyrir áramót á láni hjá öðru dönsku B-deildarfélagi, Viborg, en þar lék hann tólf leiki og skildi við liðið í efsta sæti deildarinnar.

Silkeborg er í þriðja sæti deildarinnar, er sjö stigum á eftir Viborg, en með liðinu leikur Skagamaðurinn Stefán Teitur Þórðarson.

Hinn tvítugi Patrik hefur verið á mála hjá Brentford síðan 2018 er hann gekk í raðir félagsins frá Breiðabliki.

Einnig hefur hann verið lánaður til Southend en hann er hluti af íslenska U21-árs landsliðinu sem tryggði sér sæti á EM á árinu.