Flugu þyrlunni til Vestmannaeyja og sóttu veikan sjómann

Landhelgisgæslan sótti á ellefta tímanum í kvöld sjómann sem hafði verið við veiðar austur af Vestmannaeyjum og flutti til Reykjavíkur með þyrlu gæslunnar.

Sjómaðurinn var veikur og var hann fluttur á Landspítalann til aðhlynningar. Eftir að veikindi mannsins komu upp var honum siglt til Vestmannaeyja, þangað sem hann var svo sóttur af Landhelgisgæslunni.

Samkvæmt upplýsingum frá Ásgeiri Erlendssyni, upplýsingafulltrúa Landhelgisgæslunnar, er maðurinn ekki með Covid-19.