Lífið

Harry Sty­les og Olivia Wild­e rugla saman reytum

Hallgerður Kolbrún E. Jónsdóttir skrifar
Olivia Wilde og Harry Styles eru sögð hafa mætt saman í brúðkaup um helgina.
Olivia Wilde og Harry Styles eru sögð hafa mætt saman í brúðkaup um helgina. Vísir/Getty

Tónlistarmaðurinn Harry Styles og leikkonan Olivia Wilde eru sögð nýjasta parið í Hollywood en þau mættu saman í brúðkaup um helgina þar sem þau sáust haldast í hendur.

Styles var boðið í brúðkaup Jeffrey Azoff, umboðsmanns síns, og eiginkonu hans Glenne Christiaansen, sem starfar fyrir Apple Music, um helgina. Aðeins sextán voru viðstaddir við athöfnina vegna kórónuveirufaraldursins en þrátt fyrir það fékk Styles að bjóða Wilde með sér en hann gaf hjónin saman samkvæmt frétt TMZ. 

Wilde og Styles vinna saman þessa dagana en hún leikstýrir kvikmyndinni Don‘t Worry Darling, sem er nú í framleiðslu, en Harry fer með hlutverk í myndinni.

Það er ekki langt um liðið frá því að Wilde skildi við leikarann Jason Sudeikis. Leiðir þeirra skildu í nóvember en þau höfðu þá verið trúlofuð í sjö ár og eiga saman tvö börn.

Hollywood Ástin og lífið


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.