Innlent

Hjólhýsi brann til kaldra kola í Laugardal

Gunnar Reynir Valþórsson og Atli Ísleifsson skrifa
Eins og sjá má á myndinni er ekkert eftir af hjólhýsinu, sem fuðraði upp á skömmum tíma.
Eins og sjá má á myndinni er ekkert eftir af hjólhýsinu, sem fuðraði upp á skömmum tíma. Vísir/Atli

Eldur kom upp í hjólhýsi á tjaldstæðinu í Laugardal um klukkan sex í morgun. Þegar slökkviliðið kom á vettvang var hjólhýsið alelda og brann það til kaldra kola.

Að sögn varðstjóra hjá Slökkviliði höfuðborgarsvæðisins var hjólhýsið mannlaust. Ekkert er vitað um eldsupptök að svo stöddu en málið verður rannsakað.

Samkvæmt heimildum Vísis var eigandi hjólhýsisins staddur úti á landi þegar eldurinn kom upp.

Að öðru leyti var mjög mikið að gera hjá slökkviliðinu síðasta sólarhringinn. Sjúkrabílar fóru alls í 146 útköll og voru þrjátíu þeirra svokallaðir forgangsflutningar. Einnig voru fimmtán verkefni tengd Covid-19 og þá fóru dælubílar í þrjú verkefni.

Slökkvilið Reykjavík

Mest lesið


Fleiri fréttir

Sjá meira


×

Mest lesið