„Við sáum strák labba blóðugan um gangana“

Nemendurnir söfnuðust saman fyrir utan skólann eftir að lögregla hafði rýmt húsið. Þar á meðal var Ebba Magnúsdóttir sem sagðist enn vera í áfalli þegar fréttamaður ræddi við hana innan við klukkustund frá því að árásin var.  

„Við sáum strák labba blóðugan um gangana og svo fullt af löggu að rýma allt og segja okkur að vera inni í stofu.“

Varstu hrædd? Já, skíthrædd, ég skelf ennþá.

Í kvöldfréttum Stöðvar 2 var rætt við Ebbu auk skólameistara Borgarholtsskóla. Farið var yfir atburðarrásina í dag en lögregla verst enn allra fregna um málið. Þó hefur verið sagt að enginn þeirra sex sem fóru á bráðamóttöku séu í lífshættu.