Leikmaður United varð fyrir kynþáttaníði eftir tapið í gær

Tuanzebe byrjaði sinn fyrsta leik í ensku úrvalsdeildinni í gær. Hann var óheppinn í sigurmarki Sheffield United en skot Olivers Burke fór þá af honum, í slána og inn. Skömmu síðar var Tuanzebe tekinn af velli.

Eftir leikinn tóku einhverjir reiði sína út á Tuanzebe og birtu rasískar athugasemdir við tveggja vikna gamla færslu hans á Instagram.

Tuanzebe, sem er 23 ára, hefur komið við sögu í tólf leikjum með United á tímabilinu. Hann er uppalinn hjá félaginu og hefur leikið með því allan sinn feril, af frá eru taldar tvær lánsdvalir hjá Aston Villa.

United er í 2. sæti ensku úrvalsdeildarinnar, stigi á eftir toppliði Manchester City sem á leik til góða.