Yfirtakan: VallaPjalla tekur yfir GameTíví

Sú fyrsta til að taka yfir rás GameTíví er Valgerður Kjartansdóttir, eða VallaPjalla, eins og hún kallar sig á Twitch.

Valgerður er 27 ára og hefur spilað tölvuleiki í mörg ár og spilar þá yfirleitt með vinum sínum. Nýlega tók hún uppá því að fara að spila hryllingsleiki sem er mikil áskorun fyrir hana þar sem henni bregður við minnstu hreyfingu

Í kvöld ætlar hún að spila hryllingsleikinn Outlast 1 og má því búast við miklum látum, öskrum og háspennu.

Gamanið hefst klukkan átta á Twitchrás GameTíví.