Breska afbrigðið dreifir sér hratt um Bandaríkin

Breska afbrigðið er talið vera mun meira smitandi en önnur afbrigði veirunnar og í rannsókninni sem gerð var í Bandaríkjunum virðist sem fjöldi greindra smita breska afbrigðisins tvöfaldist nú í Bandaríkjunum á níu daga fresti.

Þegar fyrst varð vart við afbrigðis fannst það í núll komma fimm prósentum tilfella í Bandaríkjunum en nú finnst það í um það bil þremur komma sex prósentum tilfella, að því er breska ríkisútvarpið greinir frá.

Enn eru tilfellin þó fá ef stærð landsins er tekinn inn í myndina en vísindamenn segja þróunina þó ýta undir mikilvægi þess að fólk sé bólusett fyrir veirunni sem fyrst.