United fengið flesta hagstæða VAR-dóma af stóru sex liðunum

Eftir 1-1 jafnteflið við West Brom á sunnudaginn kvörtuðu bæði Ole Gunnar Solskjær, knattspyrnustjóri United, og Harry Maguire, fyrirliði liðsins, undan myndbandsdómgæslunni.

Maguire, sem vildi fá vítaspyrnu í seinni hálfleik, sagði að United hefði ekkert fengið frá VAR eftir að fólk frá öðrum félögum byrjaði að tala um okkur. Þar vísaði hann í gagnrýni Jürgens Klopp, stjóra Liverpool, á hversu mörg víti United fengi.

Þegar litið er á stóru sex liðin í ensku úrvalsdeildinni, United, Liverpool, Chelsea, Arsenal, Tottenham og Manchester City, hefur ekkert þeirra fengið fleiri hagstæða VAR-dóma en United, eða sjö talsins. Er þar átt við dóma sem var breytt og United hagnaðist á því.

Chelsea og Liverpool eru næstefst á listanum með fimm hagstæða VAR-dóma hvort lið. Tottenham hefur fengið fjóra, City þrjá og Arsenal aðeins einn.

United er í 2. sæti ensku úrvalsdeildarinnar með 46 stig, sjö stigum á eftir toppliði City sem á leik til góða.

Næsti leikur United er gegn Real Sociedad í 32-liða úrslitum Evrópudeildarinnar á fimmtudaginn.