Erlent

Viktoría prinsessa og Daníel prins með Covid-19

Samúel Karl Ólason skrifar
Frå vinstri; Daníel prins, Viktoría krónprinsessa, Karl Gústaf konungur og Silvía drottning.
Frå vinstri; Daníel prins, Viktoría krónprinsessa, Karl Gústaf konungur og Silvía drottning. EPA/CAROLINE BLUMBERG

Viktoría krónprinsessa Svíþjóðar hefur greinst með Covid-19 og eiginmaður hennar Daníel Prins sömuleiðis. Þau eru bæði komin í einangrun en sýna enn sem komið er mild einkenni.

Börn þeirra, Estelle og Óskar, eru í sóttkví. Þau sýna þó ekki einkenni.

Samkvæmt frétt Aftonbladet stendur smitrakning yfir og stýrir læknir sænsku konungsfjölskyldunnar henni. Ekki liggur fyrir hvernig hjónin smituðust.

Samkvæmt heimildum Aftonbladet hafa þeir sem hafa verið í samskiptum við hjónin farið í skimun en enginn þeirra hefur hingað til greinst smitaður. Hjónin segjast ekki hafa hitt neinn utan konungsfjölskyldunnar undanfarna daga.

Hjónin tóku PCR próf í gær og fengu jákvæða niðurstöðu í dag. 

Svíþjóð Kóngafólk Faraldur kórónuveiru (COVID-19)

Mest lesið


Fleiri fréttir

Sjá meira


×

Mest lesið