NBA dagsins: Lillard nýtti sér stór mistök, Philadelphia slapp með skrekkinn og Utah vann Boston

Nickeil Alexander-Walker sofnaði eflaust seint í nótt eftir skelfileg mistök hans sem gáfu Lillard færi á að tryggja Portland Trail Blazers sigur á New Orleans Pelicans. Lillard var öryggið uppmálað á vítalínunni, þegar 1,2 sekúnda var eftir, en þó var enn tími fyrir lokatilraun frá Pelicans eins og sjá má hér að neðan.

New York Knicks fengu tvær þriggja stiga tilraunir til að jafna metin undir lokin gegn Philadelphia 76ers, í öðrum spennandi leik, en urðu að sætta sig við tap.

Topplið Utah Jazz kom sér svo aftur á beinu brautina með góðum sigri á Boston Celtics. Svipmyndir úr leikjunum þremur og helstu tilþrif næturinnar má sjá í NBA dagsins hér að neðan.