Páskaskrautið: Stærstu mistökin að ofhlaða Ása Ninna Pétursdóttir skrifar 2. apríl 2021 15:00 Innanhússráðgjafinn og útstillingarhönnuðurinn Elva Ágústsdóttir gefur lesendum Vísis góð ráð varðandi páskaskreytingar. „Ég er almennt frekar íhaldssöm þegar kemur að skreytingum fyrir hátíðardaga eins og páska og jól og fer alls ekki fram úr mér þegar kemur að skrauti,“ segir Elva Ágústsdóttir innanhússráðgjafi og útstillingahönnuður. Elva býr ásamt strákunum sínum þremur í Kópavogi og sjálf segist hún ekki skreyta mikið heima fyrir. Elva segist leggja áherslu á það að skreyta matarborðið þegar kemur að því að skreyta fyrir páskana. Sostrene Grene „Ég legg samt sem áður mikla áherslu á matarborðið og held fast í þá hefð að útbúa girnilegan bröns á páskadag þar sem ég elska að nostra við útkomu borðsins. Það gleður einstaklega mikið að heyra viðbrögðin hjá þeim sem setjast til borðs og ég trúi því að við njótum matarins og samverunnar örlítið betur þegar borðið er fallega skreytt. Á páskunum vel ég ljósan pastellitaðan hördúk, kerti og umfram allt eru lifandi blóm á borðinu sem binda þetta allt saman.“ Hvernig skreytir þú hjá þér fyrir þessa páska? „Ég vel að setja nokkrar greinar í vasa sem springa út en einnig fersk blóm sem gefa góðan angan og fylla heimilið af vori sem er rétt handan við hornið. Ég keypti til að mynda fölbleikar Oriental liljur og Valmúa þetta árið, ásamt öðrum litlum vöndum sem enda á matarborðinu og skreyta þannig borðhaldið alla páskahátíðina. Það er gaman að taka beygju frá hefðbundnum blómum enda er úrvalið glæsilegt í betri blómabúðum bæjarins.“ Snúningskerti í allskonar litum eru mjög vinsæl þessa dagana. Signebay Heldur þú að það geti verið að fólk mikli það fyrir sér að skreyta? “Já og nei – ég held að það séu margir sem sleppa því alfarið að punta hjá sér fyrir páskana á meðan aðrir fara alla leið. Fólk er meira afslappað á þessum tíma í samanburði við jólin, þannig á það að vera – ekkert stress, bara eintóm notalegheit, málshættir og samvera.“ Hver finnst þér persónulega vera helstu mistökin hjá fólki þegar það skreytir? „Að ofhlaða. Sumir eru gjarnir á að ofhlaða allskyns skrauti og dreifa þá skrautinu um allt hús í stað þess að grúppa það betur saman. Það getur verið fallegt að nota bakka og raða á hann skrauti og jafnvel kertum þar sem uppstillingin myndar ákveðna stemningu og má þá flytja á milli staða eftir þörfum.“ Getur þú gefið nokkrar hugmyndir varðandi páskaskreytingar? „Það má leika sér á ótal vegu til dæmis með tauservíettur – búa til lítil eyru eða binda þær upp með ólíkum hnútum og leggja jafnvel blóm þar á. Setja blóm í nokkra misháa vasa til að hafa á borði ásamt litlum skálum með sætum syndum til að narta í. Klassískt er að mála á egg og hengja upp á greinar, en það má líka fara í skógarbað með fjölskyldunni og ná sér í leiðinni í nokkrar stærri greinar til að hengja upp yfir matarborðið eða út í glugga – það kemur mjög skemmtilega út.“ Pastellitir, fersk blóm og egg setja fallegan svip á páskaveisluborðið. Stonegableblog.com Er eitthvað sérstakt sem er í tísku núna þegar kemur að páskaskreytingum? „Greinar, blóm og lítil egg í öllum stærðum og gerðum – allt frá hangandi á grein yfir í lítil súkkulaðiegg sem prýða eftirréttinn. Eins eru pastellituð snúningskerti vinsæl þessi dægrin og má finna í fjölda verslana. Og ekki má gleyma marengsbombum! Marengs telst kannski ekki sem „tískuvara“, en er engu að síður vinsæll á páskum því hann má skreyta á marga ólíka vegu sem og baka í minni útgáfum og þá hugsuð sem lítil hreiður.“ Færðu þér sjálf páskaegg? „Einfalda svarið er „já“ – en flókna svarið er að ég fæ gríðarlegan valkvíða á hverju ári með val á eggi. Ég væri helst til í miniature af öllum eggjum til að geta smakkað þau sem flest. Annars er ég búin að háma í mig ógrynni af páskalakkrísinum frá Johan Bülow, sem kallast Banana Twist en ég verð óstöðvandi þegar lakkrísinn lendir fyrir framan mig.“ Það er gaman að leika sér með formið á tauservíettum þegar skreyta á matarborðið. Unalife.de Margengs og lítil páskaegg eru skemmtileg skreyting sem gestirnir geta svo lagt sér til munns. Sayyes.com Blómið Valbúi. Signebay Páskar Hús og heimili Tíska og hönnun Mest lesið Sindri og Albert selja Skerjafjarðarslotið Lífið Kókaínklásúla í kaupmálanum tryggir Keith rúman milljarð Lífið „Ég er mjög hrædd um að einhver ræni mér“ Lífið „Kunna ekki að reikna, kunna svo ekki að skammast sín“ Menning Skrýtið næturlíf og ævintýri sem fylgja partýjunum Lífið Veisla fyrir augu og eyru Gagnrýni „Stefán er að hengja bakara fyrir að vera ekki smiður“ Menning Íslensk fyrirsæta slær í gegn á tískupöllum Mílanó Tíska og hönnun „Amma mín, ert þú nokkuð dáin?“ Lífið Í miðjum tökum kom í ljós að Ragnhildur og Halldór voru náskyld Lífið Fleiri fréttir Hvenær verður afbrýðisemi út í fortíð maka að þráhyggju? Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Ómar Örn og Nanna selja á eftirsóttum stað í miðbænum Í miðjum tökum kom í ljós að Ragnhildur og Halldór voru náskyld Kókaínklásúla í kaupmálanum tryggir Keith rúman milljarð Friðarsúlan tendruð í nítjánda sinn 9. október Sindri og Albert selja Skerjafjarðarslotið Skrýtið næturlíf og ævintýri sem fylgja partýjunum „Ég er mjög hrædd um að einhver ræni mér“ Var á klóinu þegar skilaboðin bárust og hélt að ferlinum væri lokið Leið yfir hana umkringd nöktum konum Herra Skepna sló Hafþór utan undir Danir taka ekki afstöðu gegn Ísrael Aðstoðarþjálfarinn reyndist ekki vera transkona Hnetukjúklingurinn hennar Höllu Kristrún meðal hundrað rísandi stjarna Time Er hún með „Bennifer“ hálsmen? Páskaungi á leiðinni hjá Kristínu og Sverri Hefur engan áhuga á góðlátlegum orðum Watson Play-liðar minnast góðu tímanna „kkk“ í klukku vekur lukku: „Hafa menn ekki meira kjöt á beinunum?“ Fanney og Teitur orðin þriggja barna foreldrar Nicole Kidman og Keith Urban hvort í sína átt Fjöldi fólks á frumsýningu kynlífsmyndbands „Erfitt að koma í veg fyrir slæm samskipti ef fólk segir ekki frá“ Viðkvæmar viðræður, lausn Assange og næstu skref WikiLeaks Íslensk kjötsúpa eins og hún gerist best Sjá meira
Elva býr ásamt strákunum sínum þremur í Kópavogi og sjálf segist hún ekki skreyta mikið heima fyrir. Elva segist leggja áherslu á það að skreyta matarborðið þegar kemur að því að skreyta fyrir páskana. Sostrene Grene „Ég legg samt sem áður mikla áherslu á matarborðið og held fast í þá hefð að útbúa girnilegan bröns á páskadag þar sem ég elska að nostra við útkomu borðsins. Það gleður einstaklega mikið að heyra viðbrögðin hjá þeim sem setjast til borðs og ég trúi því að við njótum matarins og samverunnar örlítið betur þegar borðið er fallega skreytt. Á páskunum vel ég ljósan pastellitaðan hördúk, kerti og umfram allt eru lifandi blóm á borðinu sem binda þetta allt saman.“ Hvernig skreytir þú hjá þér fyrir þessa páska? „Ég vel að setja nokkrar greinar í vasa sem springa út en einnig fersk blóm sem gefa góðan angan og fylla heimilið af vori sem er rétt handan við hornið. Ég keypti til að mynda fölbleikar Oriental liljur og Valmúa þetta árið, ásamt öðrum litlum vöndum sem enda á matarborðinu og skreyta þannig borðhaldið alla páskahátíðina. Það er gaman að taka beygju frá hefðbundnum blómum enda er úrvalið glæsilegt í betri blómabúðum bæjarins.“ Snúningskerti í allskonar litum eru mjög vinsæl þessa dagana. Signebay Heldur þú að það geti verið að fólk mikli það fyrir sér að skreyta? “Já og nei – ég held að það séu margir sem sleppa því alfarið að punta hjá sér fyrir páskana á meðan aðrir fara alla leið. Fólk er meira afslappað á þessum tíma í samanburði við jólin, þannig á það að vera – ekkert stress, bara eintóm notalegheit, málshættir og samvera.“ Hver finnst þér persónulega vera helstu mistökin hjá fólki þegar það skreytir? „Að ofhlaða. Sumir eru gjarnir á að ofhlaða allskyns skrauti og dreifa þá skrautinu um allt hús í stað þess að grúppa það betur saman. Það getur verið fallegt að nota bakka og raða á hann skrauti og jafnvel kertum þar sem uppstillingin myndar ákveðna stemningu og má þá flytja á milli staða eftir þörfum.“ Getur þú gefið nokkrar hugmyndir varðandi páskaskreytingar? „Það má leika sér á ótal vegu til dæmis með tauservíettur – búa til lítil eyru eða binda þær upp með ólíkum hnútum og leggja jafnvel blóm þar á. Setja blóm í nokkra misháa vasa til að hafa á borði ásamt litlum skálum með sætum syndum til að narta í. Klassískt er að mála á egg og hengja upp á greinar, en það má líka fara í skógarbað með fjölskyldunni og ná sér í leiðinni í nokkrar stærri greinar til að hengja upp yfir matarborðið eða út í glugga – það kemur mjög skemmtilega út.“ Pastellitir, fersk blóm og egg setja fallegan svip á páskaveisluborðið. Stonegableblog.com Er eitthvað sérstakt sem er í tísku núna þegar kemur að páskaskreytingum? „Greinar, blóm og lítil egg í öllum stærðum og gerðum – allt frá hangandi á grein yfir í lítil súkkulaðiegg sem prýða eftirréttinn. Eins eru pastellituð snúningskerti vinsæl þessi dægrin og má finna í fjölda verslana. Og ekki má gleyma marengsbombum! Marengs telst kannski ekki sem „tískuvara“, en er engu að síður vinsæll á páskum því hann má skreyta á marga ólíka vegu sem og baka í minni útgáfum og þá hugsuð sem lítil hreiður.“ Færðu þér sjálf páskaegg? „Einfalda svarið er „já“ – en flókna svarið er að ég fæ gríðarlegan valkvíða á hverju ári með val á eggi. Ég væri helst til í miniature af öllum eggjum til að geta smakkað þau sem flest. Annars er ég búin að háma í mig ógrynni af páskalakkrísinum frá Johan Bülow, sem kallast Banana Twist en ég verð óstöðvandi þegar lakkrísinn lendir fyrir framan mig.“ Það er gaman að leika sér með formið á tauservíettum þegar skreyta á matarborðið. Unalife.de Margengs og lítil páskaegg eru skemmtileg skreyting sem gestirnir geta svo lagt sér til munns. Sayyes.com Blómið Valbúi. Signebay
Páskar Hús og heimili Tíska og hönnun Mest lesið Sindri og Albert selja Skerjafjarðarslotið Lífið Kókaínklásúla í kaupmálanum tryggir Keith rúman milljarð Lífið „Ég er mjög hrædd um að einhver ræni mér“ Lífið „Kunna ekki að reikna, kunna svo ekki að skammast sín“ Menning Skrýtið næturlíf og ævintýri sem fylgja partýjunum Lífið Veisla fyrir augu og eyru Gagnrýni „Stefán er að hengja bakara fyrir að vera ekki smiður“ Menning Íslensk fyrirsæta slær í gegn á tískupöllum Mílanó Tíska og hönnun „Amma mín, ert þú nokkuð dáin?“ Lífið Í miðjum tökum kom í ljós að Ragnhildur og Halldór voru náskyld Lífið Fleiri fréttir Hvenær verður afbrýðisemi út í fortíð maka að þráhyggju? Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Ómar Örn og Nanna selja á eftirsóttum stað í miðbænum Í miðjum tökum kom í ljós að Ragnhildur og Halldór voru náskyld Kókaínklásúla í kaupmálanum tryggir Keith rúman milljarð Friðarsúlan tendruð í nítjánda sinn 9. október Sindri og Albert selja Skerjafjarðarslotið Skrýtið næturlíf og ævintýri sem fylgja partýjunum „Ég er mjög hrædd um að einhver ræni mér“ Var á klóinu þegar skilaboðin bárust og hélt að ferlinum væri lokið Leið yfir hana umkringd nöktum konum Herra Skepna sló Hafþór utan undir Danir taka ekki afstöðu gegn Ísrael Aðstoðarþjálfarinn reyndist ekki vera transkona Hnetukjúklingurinn hennar Höllu Kristrún meðal hundrað rísandi stjarna Time Er hún með „Bennifer“ hálsmen? Páskaungi á leiðinni hjá Kristínu og Sverri Hefur engan áhuga á góðlátlegum orðum Watson Play-liðar minnast góðu tímanna „kkk“ í klukku vekur lukku: „Hafa menn ekki meira kjöt á beinunum?“ Fanney og Teitur orðin þriggja barna foreldrar Nicole Kidman og Keith Urban hvort í sína átt Fjöldi fólks á frumsýningu kynlífsmyndbands „Erfitt að koma í veg fyrir slæm samskipti ef fólk segir ekki frá“ Viðkvæmar viðræður, lausn Assange og næstu skref WikiLeaks Íslensk kjötsúpa eins og hún gerist best Sjá meira