Enski boltinn

Jón Daði spilaði fimmtán mínútur í tapi

Arnar Geir Halldórsson skrifar
Jón Daði Böðvarsson
Jón Daði Böðvarsson vísir/getty

Íslenski landsliðsmaðurinn Jón Daði Böðvarsson hóf leik á varamannabekk Millwall þegar liðið fékk Swansea í heimsókn í ensku B-deildinni í fótbolta í dag.

Jóni Daða var skipt inná á 77.mínútu, nokkrum sekúndum eftir að Swansea hafði komið sér í 0-2 forystu.

Ekki tókst heimamönnum að snúa leiknum sér í vil á síðasta stundarfjórðungnum. Þvert á móti bættu gestirnir í forystuna því Jamal Lowe gulltryggði 0-3 sigur Swansea á 85.mínútu.

Millwall í 9.sæti deildarinnar og ljóst að margt þarf að ganga upp hjá Jóni Daða og félögum í síðustu fimm leikjum tímabilsins ætli þeir sér að ná sæti í umspilinu.

Enski boltinn

Mest lesið


Fleiri fréttir

Sjá meira


×

Mest lesið