Þrír greindust innan­­lands og voru allir utan sótt­kvíar

Þetta kemur fram í uppfærðum tölum á Covid.is.

93 eru nú í einangrun, samanborið við 98 í gær. 147 eru nú í sóttkví, en voru 128 í gær. 1.269 eru nú í skimunarsóttkví. Þá er einn nú á sjúkrahúsi vegna Covid-19.

Sjö greindust á landamærum – þrír með virkt smit í fyrri skimun, einn í seinni skimun, einn mældist með mótefni og þá er niðurstöðu mótefnamælingar beðið í tilviki tveggja.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 16,1, en var 18,0 í gær. Nýgengi á smiti á landamærum er nú 6,0, en var 5,7 í gær.

28.056 eru nú fullbólusettir hér á landi og er bólusetning hafin hjá 33.078 til viðbótar.

Alls hafa 6.274 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 29 dauðsföll verið rakin til Covid-19 á Íslandi frá upphafi faraldursins.

Alls voru tekin 800 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá voru 679 sýni tekin á landamærunum eða í seinni landamæraskimun og 183 í svokallaðri sóttkvíar- og handahófsskimun.

Fréttin hefur verið uppfærð.