Patrik ekki tapað leik og með tveimur liðum upp í einu: „Búið að ganga vonum framar“ Sindri Sverrisson skrifar 11. maí 2021 15:30 Patrik Sigurður Gunnarsson vel á verði í marki Silkeborgar. silkeborgif.com Patrik Sigurður Gunnarsson hefur átt algjört draumatímabil í Danmörku í vetur – ekki tapað leik og komið tveimur liðum upp í efstu deild. Hann bíður þess nú spenntur að sjá hvort að lið hans Brentford komist upp í ensku úrvalsdeildina. Þrátt fyrir að spila í Danmörku er Patrik nefnilega leikmaður enska félagsins Brentford. Þessi tvítugi U21-landsliðsmarkvörður, EM-fari og uppaldi Bliki, fór að láni til Viborg í september og var þar fram til áramóta. Í febrúar sneri hann svo aftur til Danmerkur en þá til Silkeborg sem vantaði markvörð. Liðin tapað sjö leikjum en Patrik engum Silkeborg og Viborg hafa nú tryggt sér efstu tvö sæti dönsku 1. deildarinnar og Patrik ekki tapað einum einasta leik með liðunum, sem samtals hafa þó tapað sjö leikjum. „Það er frábært að vera búinn að ná þessu, auðvitað fyrst og fremst að komast upp með Silkeborg en líka að sjá gamla liðið mitt fara upp sömuleiðis. Þetta er skemmtilegt afrek og gaman að hafa verið hluti af þessu hjá báðum liðum,“ segir Patrik. „Þetta er búið að ganga vonum framar. Mér gekk virkilega vel hjá Viborg og skildi við liðið í toppsætinu. Síðan hefur gengið enn betur með Silkeborg og það er vonandi að maður geti klárað síðustu fjóra leikina eins vel. Ég held að ég sé örugglega sá eini í deildinni sem hefur ekki tapað og vonandi getur maður haldið það út, en við eigum erfiðan leik gegn Viborg á morgun. Vonandi vinnum við þann leik og tökum toppsætið af þeim,“ segir Patrik en Viborg er einu stigi á undan Silkeborg þegar fjórar umferðir eru eftir. Patrik er leikmaður Brentford en fór að láni til Danmerkur í vetur. Hann hefur spilað einn leik í næstefstu deild Englands, fyrir Brentford, og gerði það 18 ára gamall.Getty/Ker Robertson „Ágætlega mikið að gera“ Auk þess að hafa ekki tapað leik í vetur þá hefur Patrik haldið marki sínu hreinu í 14 af 24 deildarleikjum sem hann hefur spilað á leiktíðinni. Þar af hefur hann haldið markinu hreinu í 10 af 12 deildarleikjum með Silkeborg og átt ríkan þátt í félagsmeti. Patrik segir að það sé ekki vegna þess að það sé svo lítið að gera hjá sér: „Ég hef verið að leika mér að því að skoða tölfræðina og ég er alls ekki að fá mikið færri skot á mig en aðrir markverðir í deildinni. Það hefur verið ágætlega mikið að gera, sérstaklega eftir að deildinni var skipt upp, og ég hef fengið fleiri tækifæri til að hjálpa liðinu og sýna hvað ég get,“ segir Patrik. View this post on Instagram A post shared by Silkeborg IF (@silkeborgif_officiel) Talið berst að Brentford sem hafnaði í 3. sæti ensku B-deildarinnar og er því á leið í fjögurra liða umspil um síðasta lausa sætið í ensku úrvalsdeildinni. Eins og staðan er núna þá snýr Patrik aftur til Brentford í sumar þegar lánssamningur hans hjá Silkeborg rennur út: „Ég horfi á alla leiki félaga minna í Brentford sem ég get og það verður gaman að sjá hvað þeir gera í umspilinu. Ég hef trú á því að þeir komist upp í úrvalsdeildina. Þeir hafa alla vega hópinn í það og hafa staðið sig mjög vel undanfarið. Það væri virkilega gaman ef að Brentford kæmist í efstu deild,“ segir Patrik. En verður hann í leikmannahópi Brentford á næstu leiktíð? Veltur á því hvort að Brentford fer í úrvalsdeildina „Þetta veltur allt á því hvort að Brentford fer upp eða ekki. Ég geri ráð fyrir því að félagið vilji fá mig til baka þegar tímabilinu lýkur, setjast niður og fara yfir stöðuna. Það fer eftir því hvort liðið fer upp hvert hlutverk mitt verður á næsta tímabili,“ segir Patrik og veitir pólitískt svar um það hvort hann sé nálægt sæti í liði Brentford: „Á meðan að ég stend mig vel þá styttist þetta alltaf og styttist. Ég verð bara að halda áfram að gera eins vel og ég get. Ég er leikmaður Brentford og það er alltaf markmiðið að brjótast almennilega inn í liðið og spila reglulega þar. Ég hef klárlega aukið líkurnar á því með því að koma hingað til Danmerkur og spila svona vel,“ segir Patrik. Patrik átti stóran þátt í að koma Íslandi á EM U21-landsliða.Getty/Harry Murphy Klár þegar kallið í A-landsliðið kemur Patrik varði eins og fyrr segir mark Íslands á EM U21-landsliða í mars. Það styttist eflaust í það að hans gamli þjálfari í U21-liðinu, Arnar Þór Viðarsson, velji Patrik í A-landsliðið og spurning hvort það verði strax í þessum mánuði, fyrir vináttulandsleikina við Mexíkó, Færeyjar og Pólland. Arnar valdi þó aðra frekar í fyrsta verkefni sitt með A-landsliðinu, í undankeppni HM á sama tíma og EM U21 fór fram: „Ég talaði ekkert við Adda í mars og fannst bara augljóst að það væri best fyrir mig að klára þetta mót með U21-landsliðinu. Ég spilaði alla nema einn leik í undankeppninni og átti stóran þátt í því að liðið komst á EM, og vildi spila með liðinu á stórmóti. En ég veit það sjálfur að ég verð klár þegar kallið kemur frá A-landsliðinu og ég vona svo innilega að það komi fljótlega.“ Danski boltinn Enski boltinn Tengdar fréttir Lærði helling af pabbanum en er aðeins rólegri í skapinu en hann Um æðar Patriks Sigurðar Gunnarssonar rennur markvarðablóð en faðir hans stóð milli stanganna hjá liðum á borð við ÍBV, Fram og FH á árum áður. 11. mars 2021 11:00 Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Víkingar spila á Íslandi í dagsbirtu Fótbolti Aðeins einn löglegur dúkur svo Valur og FH byrja saman í Krikanum Handbolti „Ein besta markvarsla sem ég hef séð“ Fótbolti Segir Leipzig hinn fullkomna áfangastað fyrir unga og efnilega leikmenn Fótbolti Slæm byrjun Vals hélt áfram í Garðabænum Handbolti Arftaki Kristjáns óvænt hættur Handbolti Fleiri fréttir Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Sjá meira
Þrátt fyrir að spila í Danmörku er Patrik nefnilega leikmaður enska félagsins Brentford. Þessi tvítugi U21-landsliðsmarkvörður, EM-fari og uppaldi Bliki, fór að láni til Viborg í september og var þar fram til áramóta. Í febrúar sneri hann svo aftur til Danmerkur en þá til Silkeborg sem vantaði markvörð. Liðin tapað sjö leikjum en Patrik engum Silkeborg og Viborg hafa nú tryggt sér efstu tvö sæti dönsku 1. deildarinnar og Patrik ekki tapað einum einasta leik með liðunum, sem samtals hafa þó tapað sjö leikjum. „Það er frábært að vera búinn að ná þessu, auðvitað fyrst og fremst að komast upp með Silkeborg en líka að sjá gamla liðið mitt fara upp sömuleiðis. Þetta er skemmtilegt afrek og gaman að hafa verið hluti af þessu hjá báðum liðum,“ segir Patrik. „Þetta er búið að ganga vonum framar. Mér gekk virkilega vel hjá Viborg og skildi við liðið í toppsætinu. Síðan hefur gengið enn betur með Silkeborg og það er vonandi að maður geti klárað síðustu fjóra leikina eins vel. Ég held að ég sé örugglega sá eini í deildinni sem hefur ekki tapað og vonandi getur maður haldið það út, en við eigum erfiðan leik gegn Viborg á morgun. Vonandi vinnum við þann leik og tökum toppsætið af þeim,“ segir Patrik en Viborg er einu stigi á undan Silkeborg þegar fjórar umferðir eru eftir. Patrik er leikmaður Brentford en fór að láni til Danmerkur í vetur. Hann hefur spilað einn leik í næstefstu deild Englands, fyrir Brentford, og gerði það 18 ára gamall.Getty/Ker Robertson „Ágætlega mikið að gera“ Auk þess að hafa ekki tapað leik í vetur þá hefur Patrik haldið marki sínu hreinu í 14 af 24 deildarleikjum sem hann hefur spilað á leiktíðinni. Þar af hefur hann haldið markinu hreinu í 10 af 12 deildarleikjum með Silkeborg og átt ríkan þátt í félagsmeti. Patrik segir að það sé ekki vegna þess að það sé svo lítið að gera hjá sér: „Ég hef verið að leika mér að því að skoða tölfræðina og ég er alls ekki að fá mikið færri skot á mig en aðrir markverðir í deildinni. Það hefur verið ágætlega mikið að gera, sérstaklega eftir að deildinni var skipt upp, og ég hef fengið fleiri tækifæri til að hjálpa liðinu og sýna hvað ég get,“ segir Patrik. View this post on Instagram A post shared by Silkeborg IF (@silkeborgif_officiel) Talið berst að Brentford sem hafnaði í 3. sæti ensku B-deildarinnar og er því á leið í fjögurra liða umspil um síðasta lausa sætið í ensku úrvalsdeildinni. Eins og staðan er núna þá snýr Patrik aftur til Brentford í sumar þegar lánssamningur hans hjá Silkeborg rennur út: „Ég horfi á alla leiki félaga minna í Brentford sem ég get og það verður gaman að sjá hvað þeir gera í umspilinu. Ég hef trú á því að þeir komist upp í úrvalsdeildina. Þeir hafa alla vega hópinn í það og hafa staðið sig mjög vel undanfarið. Það væri virkilega gaman ef að Brentford kæmist í efstu deild,“ segir Patrik. En verður hann í leikmannahópi Brentford á næstu leiktíð? Veltur á því hvort að Brentford fer í úrvalsdeildina „Þetta veltur allt á því hvort að Brentford fer upp eða ekki. Ég geri ráð fyrir því að félagið vilji fá mig til baka þegar tímabilinu lýkur, setjast niður og fara yfir stöðuna. Það fer eftir því hvort liðið fer upp hvert hlutverk mitt verður á næsta tímabili,“ segir Patrik og veitir pólitískt svar um það hvort hann sé nálægt sæti í liði Brentford: „Á meðan að ég stend mig vel þá styttist þetta alltaf og styttist. Ég verð bara að halda áfram að gera eins vel og ég get. Ég er leikmaður Brentford og það er alltaf markmiðið að brjótast almennilega inn í liðið og spila reglulega þar. Ég hef klárlega aukið líkurnar á því með því að koma hingað til Danmerkur og spila svona vel,“ segir Patrik. Patrik átti stóran þátt í að koma Íslandi á EM U21-landsliða.Getty/Harry Murphy Klár þegar kallið í A-landsliðið kemur Patrik varði eins og fyrr segir mark Íslands á EM U21-landsliða í mars. Það styttist eflaust í það að hans gamli þjálfari í U21-liðinu, Arnar Þór Viðarsson, velji Patrik í A-landsliðið og spurning hvort það verði strax í þessum mánuði, fyrir vináttulandsleikina við Mexíkó, Færeyjar og Pólland. Arnar valdi þó aðra frekar í fyrsta verkefni sitt með A-landsliðinu, í undankeppni HM á sama tíma og EM U21 fór fram: „Ég talaði ekkert við Adda í mars og fannst bara augljóst að það væri best fyrir mig að klára þetta mót með U21-landsliðinu. Ég spilaði alla nema einn leik í undankeppninni og átti stóran þátt í því að liðið komst á EM, og vildi spila með liðinu á stórmóti. En ég veit það sjálfur að ég verð klár þegar kallið kemur frá A-landsliðinu og ég vona svo innilega að það komi fljótlega.“
Danski boltinn Enski boltinn Tengdar fréttir Lærði helling af pabbanum en er aðeins rólegri í skapinu en hann Um æðar Patriks Sigurðar Gunnarssonar rennur markvarðablóð en faðir hans stóð milli stanganna hjá liðum á borð við ÍBV, Fram og FH á árum áður. 11. mars 2021 11:00 Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Víkingar spila á Íslandi í dagsbirtu Fótbolti Aðeins einn löglegur dúkur svo Valur og FH byrja saman í Krikanum Handbolti „Ein besta markvarsla sem ég hef séð“ Fótbolti Segir Leipzig hinn fullkomna áfangastað fyrir unga og efnilega leikmenn Fótbolti Slæm byrjun Vals hélt áfram í Garðabænum Handbolti Arftaki Kristjáns óvænt hættur Handbolti Fleiri fréttir Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Sjá meira
Lærði helling af pabbanum en er aðeins rólegri í skapinu en hann Um æðar Patriks Sigurðar Gunnarssonar rennur markvarðablóð en faðir hans stóð milli stanganna hjá liðum á borð við ÍBV, Fram og FH á árum áður. 11. mars 2021 11:00