Frá þessu er greint í Fréttablaðinu í dag.
Daði segir yngra fólk hins vegar líklegra til að falla fyrir til dæmis Bitcoin-svindli.
„Þú kaupir Bitcoin í gegnum löglegan aðila og lætur síðan þriðja aðila fá rafmyntina í von um skjótan gróða. Það sem við höfum bent á er þessi skjóti gróði. Ef það hljómar of gott til að vera satt er það oftast þannig.“
Þá séu svokölluð „fjárfestingasvindl“ að færast í aukana en þar kaupa einstaklingar sig inn í fjárfestingu og geta svo fylgst með virði hennar aukast. Það sé hins vegar blekking og þegar fólk leitar eftir því að fá greitt sé lokað á það.
Daði segir oftast um að ræða erlenda skipulagða glæpahópa.
