Mikilvægt fyrir vinningshafann að læra af reynslu annarra Vésteinn Örn Pétursson skrifar 10. júní 2021 18:50 Björn Berg ræddi langstærsta lottóvinning Íslandssögunnar og sagði vinningshafann þurfa að halda vel á spilunum, ef ekki eigi illa að fara. Vísir/Samsett Björn Berg Gunnarsson, deildarstjóri greiningar og fræðslu hjá Íslandsbanka, segir auðveldara en það kann að virðast að brenna hratt í gegnum háar fjárhæðir, líkt og þá sem íslenskur lottóspilari vann í gær. Viðkomandi vann til annars vinnings í Víkinglottó og fékk hátt í 1,3 milljarða króna í sinn hlut. Björn Berg var til viðtals í Reykjavík síðdegis á Bylgjunni í dag. Hann segir að mikilvægt sé að gera hlutina rétt, ef ætlunin er að láta upphæðina endast eins lengi og kostur er. „Það er alveg ljóst að þetta gjörbreytir lífi viðkomandi ef vel er haldið á spilunum. Það sem ég myndi telja mikilvægt að gera er að kynna sér og læra af reynslu annarra,“ segir Björn Berg. Viðkomandi sé ekki sá fyrsti í sögunni til þess að fá fyrirvaralaust háa fjárhæð í fangið. Sagan sýni að stundum endist fjárhæðir sem fólki áskotnast með þessum hætti, að vinna í lottó, ekki jafn lengi og fólk myndi halda. „Þegar við hugsum um svona fjárhæð þá finnst okkur alveg útilokað að það sé með nokkrum hætti hægt að eyða þessu. Að þetta hljóti nú bara að endast fólki út lífsleiðina. Það er nú samt þannig að í gegnum tíðina hafa vinningshafar stórra lottóvinninga eins og þessara margir tapað sínum peningum á tiltölulega skömmum tíma,“ segir Björn Berg. Hann segir, að þótt ótrúlegt megi virðast, sé hægt að spæna í gegnum 1,3 milljarðar króna á skömmum tíma, hafi fólk hugmyndaflug í það. Hann bendir til að mynda á afreksíþróttafólk í vinsælustu íþróttum heims, sem er oft með miklar tekjur. Dæmi séu um að íþróttamenn sem þénað hafi háar fjárhæðir meðan á ferlinum stóð fari í gjaldþrot eftir að honum lýkur. Sömu sögu sé að segja um vinningshafa stórra happdrættisvinninga. „Auðvitað er gaman að eyða þessum peningum. Ég geri ráð fyrir að viðkomandi sé bara kominn í Smáralindina. En það þarf að velta því fyrir sér hvernig hægt er að tryggja það að þessi peningur muni endast lengi og hvernig hann getur sinnt því hlutverki sem er dýrmætast við svona vinning, sem er ofboðslegt fjárhagslegt öryggi.“ Til þess að það megi verða að veruleika þurfi að setjast niður, reikna, koma peningunum fyrir þannig að þeir séu öruggir og ávaxtist. „Ef við hugsum ekki út í það, þá er aldrei að vita nema að kortið sé bara orðið [tómt].“ Rekstrarkostnaður verður mörgum að falli Björn segir það algengara en ætla mætti að fólk sólundi upphæðum á borð við þá sem íslenski lottóspilarinn vann í gær. „Það er heilmikil reynsla af þessu. Það hefur verið fylgst með fólki og það hefur verið rannsakað og skoðað hvernig stórir vinningshafar hafa farið með sína peninga. Þetta virðist oft vera tiltölulega svipað. Það er auðvitað verið að eyða miklum peningum en það er líka hreinlega verið að fjárfesta í eignum þar sem rekstrarkostnaðurinn er mjög mikill og rekstrarkostnaðurinn verður meiri en sem nemur tekjum sem viðkomandi hefur,“ segir Björn Berg. Algengt sé að vinningshafar hárra upphæða hætti að vinna eða búi svo um að þeir fái lága vexti. Þannig „leki“ hægt og rólega af upphæðinni og vinningurinn skreppi saman. Sem dæmi um eignir með háan rekstrarkostnað nefnir Björn Berg dýrar fasteignir, óvandaðar fjárfestingar, báta, flugvélar, dýra bíla og starfsfólk. „Hár rekstrarkostnaður vegur ákaflega þungt þegar svona peningur á að endast í áratugi. Þá er mikilvægt að reikna þetta í heild sinni í upphafi og passa sérstaklega upp á það að nú verði ekki farið í einhverja vegferð sem skilar manni á sama stað og NBA-leikmaðurinn sem stendur uppi snauður eftir að hann hættir í deildinni og var á toppi heimsins.“ Sjálfur segir Björn að það fyrsta sem hann sjálfur myndi gera, stæði hann í sporum sigurvegarans, væri að greiða niður lán. „Það dýrmætasta sem við getum gert við mikla peninga er að vera örugg og að kaupa okkur öryggi með þeim. Það að greiða niður lán og losa sig við allar skuldir dregur auðvitað gríðarlega mikið úr allri áhættu við okkar daglegu heimilisfjármál. Það er að mínu mati besta fjárfestingin.“ Fjármál heimilisins Fjárhættuspil Mest lesið Segist hafa tryllst þegar Hafdís hótaði forræðissviptingu Innlent Bein útsending: Páfakjör í Páfagarði Erlent „Hann var með háðslegt glott, þetta var svo lítið mál“ Innlent Sagðir hafa stolið viðkvæmum rannsóknargögnum frá lögreglu og saksóknara Innlent Til skoðunar hvort hægt sé að innheimta leigu beint af tekjum Innlent Efla eftirlit með áfengissölu á íþróttaleikjum Innlent Borin út úr Bríetartúni: „Það er búið að ræna mig öllu“ Innlent Vilja að ríkisstarfsmenn geti starfað til 73 ára aldurs Innlent „Íslenskir bankar eru með belti, axlabönd, sikrisnælur og hjálma“ Innlent Segjast hafa skotið niður indverskar herþotur Erlent Fleiri fréttir Hafi verið rangkynjuð oftar en hún geti talið og segir transfóbíu bitna á öllum „Þetta er mál sem varðar ekki einungis kaþólsku kirkjuna“ „Íslenskir bankar eru með belti, axlabönd, sikrisnælur og hjálma“ „Þetta er svona eitraður kokteill” Til skoðunar hvort hægt sé að innheimta leigu beint af tekjum Hefur áhyggjur af því að Amgen „gleypi Íslenska erfðagreiningu og spýti því út“ Efla eftirlit með áfengissölu á íþróttaleikjum Páfaspenna, drykkjulæti og umdeildur útburður „Hann var með háðslegt glott, þetta var svo lítið mál“ Skora á stjórnvöld að skoða áhrifin af hærra veiðigjaldi á Vestfirði Konan í gæsluvarðhaldi í mánuð til viðbótar Sagðir hafa stolið viðkvæmum rannsóknargögnum frá lögreglu og saksóknara Bein útsending: Staða ungs fatlaðs fólks á húsnæðis- og leigumarkaði Segist hafa tryllst þegar Hafdís hótaði forræðissviptingu Ekkert sem bendi til málþófs um veiðigjöld Þeir sem gangi inn sem páfaefni gangi út sem kardinálar Skorað á Ísraela og átök hafin milli Indlands og Pakistans Ekki hægt að renna sér í Lágafellslaug næstu vikuna Rekstur Reykjanesbæjar fram úr vonum vegna hærri útsvarstekna Veiðigjöldin enn rædd en þó ekki á dagskrá í dag Sex evrópskir utanríkisráðherrar skora á Ísrael Stútur á 106 þar sem hámarkshraði var sextíu Vilja að ríkisstarfsmenn geti starfað til 73 ára aldurs Alþingi hafi mistekist að tryggja þjóðinni eðlilegan hlut Boða sprengingar við Hvammsvirkjun í allt sumar Moskítóflugur muni koma til Íslands Áberandi ráðamenn „keppist við að hnykla vöðva sína, beita hótunum og þvingunum“ Ekki inni í myndinni að fyrirkomulag hvalveiða haldist óbreytt Fékk rætin skilaboð vegna veðmála eftir að hafa klikkað á vítum Borin út úr Bríetartúni: „Það er búið að ræna mig öllu“ Sjá meira
Viðkomandi vann til annars vinnings í Víkinglottó og fékk hátt í 1,3 milljarða króna í sinn hlut. Björn Berg var til viðtals í Reykjavík síðdegis á Bylgjunni í dag. Hann segir að mikilvægt sé að gera hlutina rétt, ef ætlunin er að láta upphæðina endast eins lengi og kostur er. „Það er alveg ljóst að þetta gjörbreytir lífi viðkomandi ef vel er haldið á spilunum. Það sem ég myndi telja mikilvægt að gera er að kynna sér og læra af reynslu annarra,“ segir Björn Berg. Viðkomandi sé ekki sá fyrsti í sögunni til þess að fá fyrirvaralaust háa fjárhæð í fangið. Sagan sýni að stundum endist fjárhæðir sem fólki áskotnast með þessum hætti, að vinna í lottó, ekki jafn lengi og fólk myndi halda. „Þegar við hugsum um svona fjárhæð þá finnst okkur alveg útilokað að það sé með nokkrum hætti hægt að eyða þessu. Að þetta hljóti nú bara að endast fólki út lífsleiðina. Það er nú samt þannig að í gegnum tíðina hafa vinningshafar stórra lottóvinninga eins og þessara margir tapað sínum peningum á tiltölulega skömmum tíma,“ segir Björn Berg. Hann segir, að þótt ótrúlegt megi virðast, sé hægt að spæna í gegnum 1,3 milljarðar króna á skömmum tíma, hafi fólk hugmyndaflug í það. Hann bendir til að mynda á afreksíþróttafólk í vinsælustu íþróttum heims, sem er oft með miklar tekjur. Dæmi séu um að íþróttamenn sem þénað hafi háar fjárhæðir meðan á ferlinum stóð fari í gjaldþrot eftir að honum lýkur. Sömu sögu sé að segja um vinningshafa stórra happdrættisvinninga. „Auðvitað er gaman að eyða þessum peningum. Ég geri ráð fyrir að viðkomandi sé bara kominn í Smáralindina. En það þarf að velta því fyrir sér hvernig hægt er að tryggja það að þessi peningur muni endast lengi og hvernig hann getur sinnt því hlutverki sem er dýrmætast við svona vinning, sem er ofboðslegt fjárhagslegt öryggi.“ Til þess að það megi verða að veruleika þurfi að setjast niður, reikna, koma peningunum fyrir þannig að þeir séu öruggir og ávaxtist. „Ef við hugsum ekki út í það, þá er aldrei að vita nema að kortið sé bara orðið [tómt].“ Rekstrarkostnaður verður mörgum að falli Björn segir það algengara en ætla mætti að fólk sólundi upphæðum á borð við þá sem íslenski lottóspilarinn vann í gær. „Það er heilmikil reynsla af þessu. Það hefur verið fylgst með fólki og það hefur verið rannsakað og skoðað hvernig stórir vinningshafar hafa farið með sína peninga. Þetta virðist oft vera tiltölulega svipað. Það er auðvitað verið að eyða miklum peningum en það er líka hreinlega verið að fjárfesta í eignum þar sem rekstrarkostnaðurinn er mjög mikill og rekstrarkostnaðurinn verður meiri en sem nemur tekjum sem viðkomandi hefur,“ segir Björn Berg. Algengt sé að vinningshafar hárra upphæða hætti að vinna eða búi svo um að þeir fái lága vexti. Þannig „leki“ hægt og rólega af upphæðinni og vinningurinn skreppi saman. Sem dæmi um eignir með háan rekstrarkostnað nefnir Björn Berg dýrar fasteignir, óvandaðar fjárfestingar, báta, flugvélar, dýra bíla og starfsfólk. „Hár rekstrarkostnaður vegur ákaflega þungt þegar svona peningur á að endast í áratugi. Þá er mikilvægt að reikna þetta í heild sinni í upphafi og passa sérstaklega upp á það að nú verði ekki farið í einhverja vegferð sem skilar manni á sama stað og NBA-leikmaðurinn sem stendur uppi snauður eftir að hann hættir í deildinni og var á toppi heimsins.“ Sjálfur segir Björn að það fyrsta sem hann sjálfur myndi gera, stæði hann í sporum sigurvegarans, væri að greiða niður lán. „Það dýrmætasta sem við getum gert við mikla peninga er að vera örugg og að kaupa okkur öryggi með þeim. Það að greiða niður lán og losa sig við allar skuldir dregur auðvitað gríðarlega mikið úr allri áhættu við okkar daglegu heimilisfjármál. Það er að mínu mati besta fjárfestingin.“
Fjármál heimilisins Fjárhættuspil Mest lesið Segist hafa tryllst þegar Hafdís hótaði forræðissviptingu Innlent Bein útsending: Páfakjör í Páfagarði Erlent „Hann var með háðslegt glott, þetta var svo lítið mál“ Innlent Sagðir hafa stolið viðkvæmum rannsóknargögnum frá lögreglu og saksóknara Innlent Til skoðunar hvort hægt sé að innheimta leigu beint af tekjum Innlent Efla eftirlit með áfengissölu á íþróttaleikjum Innlent Borin út úr Bríetartúni: „Það er búið að ræna mig öllu“ Innlent Vilja að ríkisstarfsmenn geti starfað til 73 ára aldurs Innlent „Íslenskir bankar eru með belti, axlabönd, sikrisnælur og hjálma“ Innlent Segjast hafa skotið niður indverskar herþotur Erlent Fleiri fréttir Hafi verið rangkynjuð oftar en hún geti talið og segir transfóbíu bitna á öllum „Þetta er mál sem varðar ekki einungis kaþólsku kirkjuna“ „Íslenskir bankar eru með belti, axlabönd, sikrisnælur og hjálma“ „Þetta er svona eitraður kokteill” Til skoðunar hvort hægt sé að innheimta leigu beint af tekjum Hefur áhyggjur af því að Amgen „gleypi Íslenska erfðagreiningu og spýti því út“ Efla eftirlit með áfengissölu á íþróttaleikjum Páfaspenna, drykkjulæti og umdeildur útburður „Hann var með háðslegt glott, þetta var svo lítið mál“ Skora á stjórnvöld að skoða áhrifin af hærra veiðigjaldi á Vestfirði Konan í gæsluvarðhaldi í mánuð til viðbótar Sagðir hafa stolið viðkvæmum rannsóknargögnum frá lögreglu og saksóknara Bein útsending: Staða ungs fatlaðs fólks á húsnæðis- og leigumarkaði Segist hafa tryllst þegar Hafdís hótaði forræðissviptingu Ekkert sem bendi til málþófs um veiðigjöld Þeir sem gangi inn sem páfaefni gangi út sem kardinálar Skorað á Ísraela og átök hafin milli Indlands og Pakistans Ekki hægt að renna sér í Lágafellslaug næstu vikuna Rekstur Reykjanesbæjar fram úr vonum vegna hærri útsvarstekna Veiðigjöldin enn rædd en þó ekki á dagskrá í dag Sex evrópskir utanríkisráðherrar skora á Ísrael Stútur á 106 þar sem hámarkshraði var sextíu Vilja að ríkisstarfsmenn geti starfað til 73 ára aldurs Alþingi hafi mistekist að tryggja þjóðinni eðlilegan hlut Boða sprengingar við Hvammsvirkjun í allt sumar Moskítóflugur muni koma til Íslands Áberandi ráðamenn „keppist við að hnykla vöðva sína, beita hótunum og þvingunum“ Ekki inni í myndinni að fyrirkomulag hvalveiða haldist óbreytt Fékk rætin skilaboð vegna veðmála eftir að hafa klikkað á vítum Borin út úr Bríetartúni: „Það er búið að ræna mig öllu“ Sjá meira