Sport

Konan sem setti Tour de France í uppnám handtekin

Kjartan Kjartansson skrifar
Marc Hirschi frá Sviss var einn þeirra sem slasaðist í árekstri í fyrsta áfanga Tour de France á laugardag.
Marc Hirschi frá Sviss var einn þeirra sem slasaðist í árekstri í fyrsta áfanga Tour de France á laugardag. AP/Daniel Cole

Þrítug frönsk kona sem olli meiriháttar árekstri í fyrsta áfanga Tour de France-hjólreiðakeppninnar um helgina gaf sig fram við lögreglu. Konan er nú í varðhaldi sökuð um að hafa valdið líkamstjóni og sett líf fólks í hættu af gáleysi.

Myndband af atvikinu fór sem eldur um sinu um samfélagsmiðla og fjölmiðla um helgina. Á því sást konan, sem hélt á skilti og virtist reyna að ná athygli myndatökumanns, halla sér í veg fyrir hóp hjólreiðamannanna sem kom aðvífandi. Einn þeirra rakst á konuna, féll í jörðina og úr varð meiriháttar árekstur.

Konan flúði vettvang en Reuters-fréttastofan segir að hún hafi nú verið handtekin eftir að hún gaf sig fram á lögreglustöð í Landerneau í Bretagne-héraði á norðvestur Frakklandi.

Skipuleggjendur Tour de France höfðu hótað því að stefna konunni vegna árekstursins.

Frakkland Hjólreiðar Frakklandshjólreiðarnar

Tengdar fréttir

Leita áhorfanda sem olli stórum árekstri á Tour de France

Franska lögreglan leitar nú að kvenkyns áhorfanda sem olli meiriháttar árekstri fjölda keppenda í fyrsta áfanga Tour de France-hjólreiðakeppninnar í gær. Áhorfandinn hélt á skilti og hallaði sér í veg fyrir hjólreiðagarpana.

Mest lesið


Fleiri fréttir

Sjá meira


×

Mest lesið