Dýrið hefur fengið nokkuð góðar viðtökur á Cannes

Dýrið, eða Lamb eins og myndin er kölluð á ensku, segir frá sauðfjárbændunum Maríu og Ingvari sem búa í fögrum en afskekktum dal. Þegar dularfull vera fæðist á bóndabænum ákveða þau að halda henni og ala upp sem sitt eigið afkvæmi. Vonin um nýja fjölskyldu færir þeim mikla hamingju um stund, hamingju sem verður þeim síðar að tortímingu.

Valdimar Jóhannsson leikstýrði myndinni og handritið skrifaði hann í samvinnu við Sjón.

Þeir gagnrýnendur sem gefið hafa út gagnrýni um myndina í dag eru einróma um það að söguþráður hennar sé mjög áhugaverður. Sumir segja að myndin hafi staðið undir þeim væntum en eins og venjulega er smekkur manna mismunandi.

Eric Kohn, kvikmyndagagnrýnandi hjá Indiewire, segir sögþráð myndarinnar vera gjörsamlega brjálaðan en að lokum standi myndin undir honum. Þá hrósar hann útliti myndarinnar í hástert og segir leik góðan, sérstaklega hjá Noomi Rapace. Hann gefur myndinni einkunnina B.

Douglas Greenwood, kvikmyndagagnrýnandi hjá i-D, segir Dýrinu ætlað að verða svokölluð „költmynd“ þegar fram líða stundir. Hann segir erfitt að skilgreina hvers konar kvikmynd Dýrið sé en að hún sé góð og muni gera þá sem að henni komu að stjörnum.

Blendin viðbrögð á Twitter

Kvikmyndaáhugamenn á Twitter eru ekki frekar sammála um Dýrið en nokkra aðra mynd.

Sumir eru himinlifandi með myndina og þá sem í henni leika:

Aðrir eru tvístígandi hvað varðar myndina en ánægðir með leikinn, sér í lagi frammistöðu hunds:

Loks eru alltaf einhverjir sem verða fyrir vonbrigðum með kvikmyndir: