Telur ótækt að láta veiruna ganga óhindraða um samfélagið Vésteinn Örn Pétursson skrifar 10. ágúst 2021 17:55 Svandís ræddi við fréttastofu að loknum blaðamannafundi ríkisstjórnarinnar. Vísir/Sigurjón Svandís Svavarsdóttir heilbrigðisráðherra segir að á hverjum degi sé unnið að því að bregðast við stöðunni á Landspítalanum, en líkt og fjallað hefur verið um eru blikur á lofti um hvort spítalinn ráði við mikið fleiri innlagnir af völdum Covid-19. Hún segir ljóst að óhindruð útbreiðsla myndi valda miklu álagi á heilbrigðiskerfið. „Við erum að gera eitthvað á hverjum einasta degi og erum í raun og veru í mjög þéttu samtali við Landspítala,“ sagði Svandís í samtali við fréttastofu að loknum blaðamannafundi ríkisstjórnarinnar í dag. Á fundinum var tilkynnt um að þær aðgerðir sem nú voru í gildi, 200 manna samkomutakmarkanir, grímuskylda og eins metra nándarregla, yrðu framlengdar um tvær vikur. Upphaflega stóð til að ráðstafanirnar yrðu í gildi til og með 13. ágúst. „Við erum mjög meðvituð um það hversu nálægt þessum þolmörkum [spítalans] við erum, en um leið viljum við leita leiða til þess að ýta þessum þolmörkum aðeins til með því að bæta umhverfið fyrir Landspítala,“ sagði Svandís og bætti við að spítalinn teldi sig enn geta sinnt sínu verkefni. Svandís segir alls óljóst hversu langt upp núverandi bylgja faraldursins hér á landi, sem er sú stærsta hingað til, muni rísa. Um og yfir hundrað manns hafa greinst á degi hverjum að undanförnu. „En við vitum það að ef smitin eru gríðarlega mörg, þá þarf ekkert voðalega hátt hlutfall þeirra að veikjast til þess að það verði verulegt álag fyrir kerfið okkar. Þannig að við þurfum að vera á tánum,“ sagði heilbrigðisráðherrann. Hún segir sóttvarnalækni ekki þeirrar skoðunar nú að grípa þurfi til harðari aðgerða, né að unnt sé að aflétta takmörkunum. Sömu markmið en annað umhverfi Svandís kvaðst ekki geta tjáð sig um hvort aðgerðum yrði með öllu aflétt í vetur. Nú væri enn sú staða uppi að meta þyrfti stöðuna frá einni viku til annarrar. Markmiðin væru áfram þau sömu, að verja líf og heilsu fólks, vernda heilbrigðiskerfið, skýla viðkvæmum hópum og halda samfélaginu gangandi. „Umhverfið er annað. Delta-hagar sér pínulítið öðruvísi og svo erum við líka með bólusett samfélag sem við ætlum raunar að bólusetja betur,“ sagði Svandís. Aðspurð um þær hugmyndir sem uppi hafa verið um að ná fram hjarðónæmi hér á landi, með því að láta veiruna ganga um samfélagið meðal bólusettra en vernda viðkvæma hópa á meðan, sagðist Svandís ekki geta lagt mat á það. Til þess hefði hún sérfræðinga innan handar. „Í raunverulegu samfélagi getur bylgja af þessu tagi ekki gengið óhindrað í gegn án þess að valda verulegu álagi á heilbrigðiskerfið. Ég held að við viljum aldrei vera í þeirri stöðu að þurfa að flokka þá sem koma inn til þess að njóta heilbrigðisþjónustu. Við viljum sinna öllum sem þangað koma og þannig þurfum við að tempra faraldurinn, og það er okkar verkefni.“ Aðgerðirnar viðeigandi miðað við daginn í dag Aðspurð hvort ekki væri verið að leyfa veirunni að ganga um samfélagið í vissum skilningi, í ljósi þess að aðgerðir nú eru ekki jafn harðar og þekktist hér áður en fjöldabólusetningar urðu að veruleika, sagði Svandís að vissulega mætti rökstyðja það að ekki væri verið að halda veirunni niðri af jafn miklum krafti og áður. Hún sagðist þó telja að aðgerðirnar sem nú eru í gildi séu nægilegar, meðan hlutfall smitaðra sem veikist alvarlega er jafn lágt og raun ber vitni. „Við getum það miðað við daginn í dag en svo sjáum við ekki fyrir endann á þessari bylgju og hvernig hún kemur til með að haga sér. Ég auðvitað vona að hún muni fljótlega ná hámarki og fari svo að gefa aftur eftir,“ sagði Svandís. Samkomubann á Íslandi Faraldur kórónuveiru (COVID-19) Ríkisstjórn Katrínar Jakobsdóttur Landspítalinn Mest lesið Haft höggbor beint fyrir utan í hálft ár og kominn með nóg Innlent Tveggja vikna tvíburasystrum vísað úr landi Innlent Thunberg meðal 500 handtekinna aðgerðasinna Erlent Tveir látnir og þrír alvarlega særðir eftir árás í Manchester Erlent „Brotamenn eru nú ekki oft miklir borgunarmenn“ Innlent POTS-samtök fá lögfræðing í málið: „Margir eru rúmliggjandi í dag“ Innlent Leiðtogafundur í Danmörku: „Rússar munu ekki stoppa fyrr en tilneyddir“ Erlent Söguðu gat á flugsafn til að stinga inn Boeing 757 Innlent Stímir óhrædd í gin ísraelska sjóhersins Innlent Heimila gjaldtöku vegna fjarheilbrigðisþjónustu og útkalls án flutnings Innlent Fleiri fréttir Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Hraðamyndavélar settar upp við Þingvelli Hjóla í forseta ASÍ og segja hann afvegaleiða umræðuna Býður sig fram til áframhaldandi formennsku Þúsundir barna bíða og listarnir lengjast POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Sjá meira
„Við erum að gera eitthvað á hverjum einasta degi og erum í raun og veru í mjög þéttu samtali við Landspítala,“ sagði Svandís í samtali við fréttastofu að loknum blaðamannafundi ríkisstjórnarinnar í dag. Á fundinum var tilkynnt um að þær aðgerðir sem nú voru í gildi, 200 manna samkomutakmarkanir, grímuskylda og eins metra nándarregla, yrðu framlengdar um tvær vikur. Upphaflega stóð til að ráðstafanirnar yrðu í gildi til og með 13. ágúst. „Við erum mjög meðvituð um það hversu nálægt þessum þolmörkum [spítalans] við erum, en um leið viljum við leita leiða til þess að ýta þessum þolmörkum aðeins til með því að bæta umhverfið fyrir Landspítala,“ sagði Svandís og bætti við að spítalinn teldi sig enn geta sinnt sínu verkefni. Svandís segir alls óljóst hversu langt upp núverandi bylgja faraldursins hér á landi, sem er sú stærsta hingað til, muni rísa. Um og yfir hundrað manns hafa greinst á degi hverjum að undanförnu. „En við vitum það að ef smitin eru gríðarlega mörg, þá þarf ekkert voðalega hátt hlutfall þeirra að veikjast til þess að það verði verulegt álag fyrir kerfið okkar. Þannig að við þurfum að vera á tánum,“ sagði heilbrigðisráðherrann. Hún segir sóttvarnalækni ekki þeirrar skoðunar nú að grípa þurfi til harðari aðgerða, né að unnt sé að aflétta takmörkunum. Sömu markmið en annað umhverfi Svandís kvaðst ekki geta tjáð sig um hvort aðgerðum yrði með öllu aflétt í vetur. Nú væri enn sú staða uppi að meta þyrfti stöðuna frá einni viku til annarrar. Markmiðin væru áfram þau sömu, að verja líf og heilsu fólks, vernda heilbrigðiskerfið, skýla viðkvæmum hópum og halda samfélaginu gangandi. „Umhverfið er annað. Delta-hagar sér pínulítið öðruvísi og svo erum við líka með bólusett samfélag sem við ætlum raunar að bólusetja betur,“ sagði Svandís. Aðspurð um þær hugmyndir sem uppi hafa verið um að ná fram hjarðónæmi hér á landi, með því að láta veiruna ganga um samfélagið meðal bólusettra en vernda viðkvæma hópa á meðan, sagðist Svandís ekki geta lagt mat á það. Til þess hefði hún sérfræðinga innan handar. „Í raunverulegu samfélagi getur bylgja af þessu tagi ekki gengið óhindrað í gegn án þess að valda verulegu álagi á heilbrigðiskerfið. Ég held að við viljum aldrei vera í þeirri stöðu að þurfa að flokka þá sem koma inn til þess að njóta heilbrigðisþjónustu. Við viljum sinna öllum sem þangað koma og þannig þurfum við að tempra faraldurinn, og það er okkar verkefni.“ Aðgerðirnar viðeigandi miðað við daginn í dag Aðspurð hvort ekki væri verið að leyfa veirunni að ganga um samfélagið í vissum skilningi, í ljósi þess að aðgerðir nú eru ekki jafn harðar og þekktist hér áður en fjöldabólusetningar urðu að veruleika, sagði Svandís að vissulega mætti rökstyðja það að ekki væri verið að halda veirunni niðri af jafn miklum krafti og áður. Hún sagðist þó telja að aðgerðirnar sem nú eru í gildi séu nægilegar, meðan hlutfall smitaðra sem veikist alvarlega er jafn lágt og raun ber vitni. „Við getum það miðað við daginn í dag en svo sjáum við ekki fyrir endann á þessari bylgju og hvernig hún kemur til með að haga sér. Ég auðvitað vona að hún muni fljótlega ná hámarki og fari svo að gefa aftur eftir,“ sagði Svandís.
Samkomubann á Íslandi Faraldur kórónuveiru (COVID-19) Ríkisstjórn Katrínar Jakobsdóttur Landspítalinn Mest lesið Haft höggbor beint fyrir utan í hálft ár og kominn með nóg Innlent Tveggja vikna tvíburasystrum vísað úr landi Innlent Thunberg meðal 500 handtekinna aðgerðasinna Erlent Tveir látnir og þrír alvarlega særðir eftir árás í Manchester Erlent „Brotamenn eru nú ekki oft miklir borgunarmenn“ Innlent POTS-samtök fá lögfræðing í málið: „Margir eru rúmliggjandi í dag“ Innlent Leiðtogafundur í Danmörku: „Rússar munu ekki stoppa fyrr en tilneyddir“ Erlent Söguðu gat á flugsafn til að stinga inn Boeing 757 Innlent Stímir óhrædd í gin ísraelska sjóhersins Innlent Heimila gjaldtöku vegna fjarheilbrigðisþjónustu og útkalls án flutnings Innlent Fleiri fréttir Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Hraðamyndavélar settar upp við Þingvelli Hjóla í forseta ASÍ og segja hann afvegaleiða umræðuna Býður sig fram til áframhaldandi formennsku Þúsundir barna bíða og listarnir lengjast POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Sjá meira
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu