Sigmar og Júlíana gengin í það heilaga

DV greinir frá þessu í dag. Þau Sigmar og Júlíana kynntust árið 2012 en trúlofuðu sig á Tenerife um jólin 2015. Saman eiga þau tvö börn, en Sigmar átti tvö börn fyrir.

Sautján ára aldursmunur er á nýgiftu hjónunum, en Sigmar hefur farið fögrum orðum um eiginkonu sína á samfélagsmiðlum.

„Svona er Júlíana. Hörkudugleg, góð, uppátækjasöm og skemmtilegasta manneskja sem ég þekki. Og þótt mér takist kannski ekki alltaf að sýna það þá er ég óendanlega þakklátur fyrir hana. Það er ekki auðvelt að búa með manni sem sat á fremsta bekk og glósaði mjög samviskusamlega þegar almættið hélt fyrirlestur um helstu galla mannskepnunnar. En ég væri talsvert verra eintak ef ég hefði ekki Júlíönu í mínu lífi,“ sagði Sigmar í tilefni afmælis hennar í fyrra.

Þá virðast hin nýgiftu hjón njóta þess að hlaupa saman.

Sigmar skipar nú annað sæti lista Viðreisnar í Suðvesturkjördæmi, á eftir Þorgerði Katrínu Gunnarsdóttir.