Sport

Thelma Björg og Patrekur Andrés fánaberar Íslands

Hjörtur Leó Guðjónsson skrifar
Íslenski hópurinn samankominn í Tókýó.
Íslenski hópurinn samankominn í Tókýó. Mynd/Íþróttasamband fatlaðra

Sundkonan Thelma Björg Björnsdóttir og hlauparinn Patrekur Andrés Axelsson verða fánaberar Íslands á setningarathöfn Ólympíumóts fatlaðra sem fram fer í Tókýó.

Setningarathöfnin fer fram næstkomandi þriðjudag, og rétt eins og á Ólympíuleikunum eru fánaberar hverrar þjóðar tveir, ein kona og einn karl.

Eins og áður segir eru það þau Thelma Björg og Patrekur Andrés sem munu fara fyrir íslenska hópnum á hátíðinni. Thelma keppir í sundi í flokki S6/SB5 sem er flokkur hreyfihamlaðra, en hún er að keppa á sínum öðrum leikum. Patrekur er að keppa á sínu fyrstu leikum, en hamm hlaypur í flokki T11 sem er flokkur blindra.

Hátíðin hefst klukkan 20:00 á staðartíma, eða klukkan 11:00 á íslenskum tíma.

Ólympíuleikar Íslenski fáninn Ólympíumót fatlaðra Íslendingar erlendis ÍSÍ

Mest lesið


Fleiri fréttir

Sjá meira


×

Mest lesið