Fullyrðingar um lægsta verðið úrskurðaðar „ósannaðar og villandi“ Eiður Þór Árnason skrifar 17. september 2021 14:49 Orkan er í eigu Skeljungs. Vísir/Vihelm Orkan mátti ekki segja að fyrirtækið væri með lægsta verðið eða ódýrasta eldsneytið á höfuðborgarsvæðinu og í öllum landshlutum. Þetta er niðurstaða Neytendastofu sem hefur bannað Orkunni nota fullyrðingarnar í auglýsingum sínum. Á eftir nokkrum fullyrðingum fylgdi hugtakið „skilyrðislaust“ og átti Orkan þar við að verðið væri aðskilið frá fyrirtækjum á borð við Costco þar sem áskriftarkort væri áskilið. Neytendastofa taldi að neytendur gætu sett þann skilning í fullyrðingarnar að Orkan væri án undantekninga ódýrari en keppinautar eða ávallt með lægsta verðið. Þau gögn sem lögð voru fram í málinu sönnuðu fullyrðingarnar ekki í þeim skilningi. Heildarmat Neytendastofu var því að allar fullyrðingar Orkunnar væru ósannaðar og villandi. N1 sagði enga innistæðu fyrir fullyrðingunum Neytendastofu barst kvörtun frá N1 vegna auglýsinga og markaðssetningar Orkunnar í febrúar á þessu ári. Kvörtunin sneri að auglýsingum Skeljungs með fullyrðingunum: „Lægsta verðið á höfuðborgarsvæðinu - skilyrðislaust“, „Ódýrasta eldsneyti landsins fæst hér - skilyrðislaust“ og „Orkan rekur 65 sjálfsagreiðslustöðvar um land allt. Orkan býður lægsta verðið í öllum landshlutum og ódýrasta eldsneyti landsins á Dalvegi, Reykjavíkurvegi og Mýrargötu á Akureyri -skilyrðislaust.“ Taldi N1 fullyrðingarnar brjóta gegn lögum um eftirlit með viðskiptaháttum og markaðssetningu. Vísaði fyrirtækið meðal annars til skjáskota af samanburðarsíðunni GSMBensín sem sýna að ÓB hafi verið með lægsta eldsneytisverðið þann 18. febrúar og Dælan degi síðar. Olíufélagið vildi ekki sjá enn eina auglýsinguna með fullyrðingum um lægsta eldsneytisverð á landinu. n1 Deila um hugtakanotkun Í svörum Skeljungs, eiganda Orkunnar, til Neytendastofu kom meðal annars fram að önnur olíufélög hafi tekið upp orðalagið skilyrðislaust og því mætti það teljast til almennrar orðnotkunar sem ætti ekki að dyljast neytendum. N1 hafnar segir að skýringar Skeljungs endurspegli ekki almenna notkun hugtaksins eins og það birtist í auglýsingum Skeljungs. Varðandi skjáskotin af GSMBensín sagði Skeljungur að verðbreytingar væru tíðar og mögulegt að myndirnar hafi verið teknar á meðan vefsíðan væri í uppfærslu. Ekki væri vitað hvernig vefsíðan uppfæri upplýsingar sínar og því ekki ljóst hvort hún endurspegli ávallt raunverulegt verð. Að sögn Skeljungs fylgist fyrirtækið náið með verði keppinauta og styðst við gsmbensin.is, gasvaktin.is og eftirlit starfsmanna. Reynt sé að bregðast við verðbreytingum tafarlaust en það geti tekið allt að hálftíma. Reyni að lækka verð eins hratt og hægt er „Skjáskot N1 kunna því að hafa verið tekin í millibilsástandi þar sem að vefsíða gsmbensin.is hafi ekki verið uppfærð eða uppfærsla frá starfsmönnum Skeljungs ekki verið komin til skila. Því gæti verið að verð Skeljungs hafi aftur verið lægst nokkrum mínútum seinna þar sem ávallt sé brugðist við verðlækkunum keppinauta á höfuðborgarsvæðinu með eigin verðlækkunum,“ segir í bréfi Skeljungs til Neytendastofu. Skeljungur stendur við umræddar fullyrðingar og vill að olíufélögum verði veitt svigrúm til að bregðast við verðlækkunum keppinauta. Þá hefur félagið unnið að því að stytta viðbragðstíma enn frekar. Neytendastofa segir að svigrúmið sé takmörkunum háð og það beri að gera strangar kröfur þegar um afdráttarlausar fullyrðingar er að ræða. Taldi stofnunin að framlögð gögn sýni ekki með óyggjandi hætti að Skeljungur hafi lægsta eldsneytisverðið á öllum stöðvum sínum, miðað við alla keppinauta og í öllum tilvikum líkt og fullyrðingar Skeljungs gefa tilefni til að ætla. Bensín og olía Auglýsinga- og markaðsmál Neytendur Mest lesið Skuldar félagi Einars 44 milljónir og gæti misst 295 milljóna hús Viðskipti innlent Fegurð er glæpur kom út í mínus Viðskipti innlent „Alls konar fólk heyrt í mér um alls konar hluti“ Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf Segir engar breytingar hafa verið gerðar á uppskrift SS pylsna Neytendur Þrjár verslanir í Múlunum sektaðar eftir rassíu Neytendastofu Neytendur Nýtt trend: Engir yfirmenn á vinnustaðnum Atvinnulíf Stýrivextir lækkaðir í Bandaríkjunum í fyrsta sinn í fjögur ár Viðskipti erlent Tupperware lýsir yfir gjaldþroti Viðskipti erlent Þetta kostar skyndibiti á Íslandi Neytendur Fleiri fréttir Segir engar breytingar hafa verið gerðar á uppskrift SS pylsna Útlit fyrir frekari verðhækkanir á kaffimarkaði Þrjár verslanir í Múlunum sektaðar eftir rassíu Neytendastofu Þetta kostar skyndibiti á Íslandi Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Blekking við neytendur eða leið til að halda „þægilegri verðpunkti“? Óttast að raforkuverð fjórfaldist án inngrips Réttur og öryggi leigjenda aukast á sunnudaginn Mótmæla samráðsummælum Breka og segja þau „haldlaus“ Verslanir hafi haft með sér „þögult samkomulag“ um verð Prís hrærir í pottinum: „Ekkert of langt gengið að kalla þetta verðstríð“ Verðlag á matvöru lækkar í fyrsta sinn frá því í mars Kaupum meira og meira þrátt fyrir mikla verðbólgu Reiknar með því að Bónus sjái Prís sem áskorun Lágvöruverðsverslunin Prís opnar í dag Temu kaupin getu hæglega orðið að fíkn Verðstríð að hefjast á matvörumarkaði Sleppur við sektir eftir auglýsingu um hundrað prósent lán Orðrómur um Appelsín ósannur Sjá meira
Á eftir nokkrum fullyrðingum fylgdi hugtakið „skilyrðislaust“ og átti Orkan þar við að verðið væri aðskilið frá fyrirtækjum á borð við Costco þar sem áskriftarkort væri áskilið. Neytendastofa taldi að neytendur gætu sett þann skilning í fullyrðingarnar að Orkan væri án undantekninga ódýrari en keppinautar eða ávallt með lægsta verðið. Þau gögn sem lögð voru fram í málinu sönnuðu fullyrðingarnar ekki í þeim skilningi. Heildarmat Neytendastofu var því að allar fullyrðingar Orkunnar væru ósannaðar og villandi. N1 sagði enga innistæðu fyrir fullyrðingunum Neytendastofu barst kvörtun frá N1 vegna auglýsinga og markaðssetningar Orkunnar í febrúar á þessu ári. Kvörtunin sneri að auglýsingum Skeljungs með fullyrðingunum: „Lægsta verðið á höfuðborgarsvæðinu - skilyrðislaust“, „Ódýrasta eldsneyti landsins fæst hér - skilyrðislaust“ og „Orkan rekur 65 sjálfsagreiðslustöðvar um land allt. Orkan býður lægsta verðið í öllum landshlutum og ódýrasta eldsneyti landsins á Dalvegi, Reykjavíkurvegi og Mýrargötu á Akureyri -skilyrðislaust.“ Taldi N1 fullyrðingarnar brjóta gegn lögum um eftirlit með viðskiptaháttum og markaðssetningu. Vísaði fyrirtækið meðal annars til skjáskota af samanburðarsíðunni GSMBensín sem sýna að ÓB hafi verið með lægsta eldsneytisverðið þann 18. febrúar og Dælan degi síðar. Olíufélagið vildi ekki sjá enn eina auglýsinguna með fullyrðingum um lægsta eldsneytisverð á landinu. n1 Deila um hugtakanotkun Í svörum Skeljungs, eiganda Orkunnar, til Neytendastofu kom meðal annars fram að önnur olíufélög hafi tekið upp orðalagið skilyrðislaust og því mætti það teljast til almennrar orðnotkunar sem ætti ekki að dyljast neytendum. N1 hafnar segir að skýringar Skeljungs endurspegli ekki almenna notkun hugtaksins eins og það birtist í auglýsingum Skeljungs. Varðandi skjáskotin af GSMBensín sagði Skeljungur að verðbreytingar væru tíðar og mögulegt að myndirnar hafi verið teknar á meðan vefsíðan væri í uppfærslu. Ekki væri vitað hvernig vefsíðan uppfæri upplýsingar sínar og því ekki ljóst hvort hún endurspegli ávallt raunverulegt verð. Að sögn Skeljungs fylgist fyrirtækið náið með verði keppinauta og styðst við gsmbensin.is, gasvaktin.is og eftirlit starfsmanna. Reynt sé að bregðast við verðbreytingum tafarlaust en það geti tekið allt að hálftíma. Reyni að lækka verð eins hratt og hægt er „Skjáskot N1 kunna því að hafa verið tekin í millibilsástandi þar sem að vefsíða gsmbensin.is hafi ekki verið uppfærð eða uppfærsla frá starfsmönnum Skeljungs ekki verið komin til skila. Því gæti verið að verð Skeljungs hafi aftur verið lægst nokkrum mínútum seinna þar sem ávallt sé brugðist við verðlækkunum keppinauta á höfuðborgarsvæðinu með eigin verðlækkunum,“ segir í bréfi Skeljungs til Neytendastofu. Skeljungur stendur við umræddar fullyrðingar og vill að olíufélögum verði veitt svigrúm til að bregðast við verðlækkunum keppinauta. Þá hefur félagið unnið að því að stytta viðbragðstíma enn frekar. Neytendastofa segir að svigrúmið sé takmörkunum háð og það beri að gera strangar kröfur þegar um afdráttarlausar fullyrðingar er að ræða. Taldi stofnunin að framlögð gögn sýni ekki með óyggjandi hætti að Skeljungur hafi lægsta eldsneytisverðið á öllum stöðvum sínum, miðað við alla keppinauta og í öllum tilvikum líkt og fullyrðingar Skeljungs gefa tilefni til að ætla.
Bensín og olía Auglýsinga- og markaðsmál Neytendur Mest lesið Skuldar félagi Einars 44 milljónir og gæti misst 295 milljóna hús Viðskipti innlent Fegurð er glæpur kom út í mínus Viðskipti innlent „Alls konar fólk heyrt í mér um alls konar hluti“ Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf Segir engar breytingar hafa verið gerðar á uppskrift SS pylsna Neytendur Þrjár verslanir í Múlunum sektaðar eftir rassíu Neytendastofu Neytendur Nýtt trend: Engir yfirmenn á vinnustaðnum Atvinnulíf Stýrivextir lækkaðir í Bandaríkjunum í fyrsta sinn í fjögur ár Viðskipti erlent Tupperware lýsir yfir gjaldþroti Viðskipti erlent Þetta kostar skyndibiti á Íslandi Neytendur Fleiri fréttir Segir engar breytingar hafa verið gerðar á uppskrift SS pylsna Útlit fyrir frekari verðhækkanir á kaffimarkaði Þrjár verslanir í Múlunum sektaðar eftir rassíu Neytendastofu Þetta kostar skyndibiti á Íslandi Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Blekking við neytendur eða leið til að halda „þægilegri verðpunkti“? Óttast að raforkuverð fjórfaldist án inngrips Réttur og öryggi leigjenda aukast á sunnudaginn Mótmæla samráðsummælum Breka og segja þau „haldlaus“ Verslanir hafi haft með sér „þögult samkomulag“ um verð Prís hrærir í pottinum: „Ekkert of langt gengið að kalla þetta verðstríð“ Verðlag á matvöru lækkar í fyrsta sinn frá því í mars Kaupum meira og meira þrátt fyrir mikla verðbólgu Reiknar með því að Bónus sjái Prís sem áskorun Lágvöruverðsverslunin Prís opnar í dag Temu kaupin getu hæglega orðið að fíkn Verðstríð að hefjast á matvörumarkaði Sleppur við sektir eftir auglýsingu um hundrað prósent lán Orðrómur um Appelsín ósannur Sjá meira