Gekk um miðbæinn með hníf í hendi

Í dagbók lögreglu kemur fram að maðurinn hafi fundist eftir stutta leit og gat hann þá vísað á hnífinn.

Kemur fram að maðurinn hafi verið í annarlegu ástandi og sagst ekki hafa ætlað sér neitt með hnífinn.

Alls voru 104 mál skráð hjá lögreglunni á höfuðborgarsvæðinu í gær frá 19 í gærkvöldi til klukkan fimm í nótt.

Þar á meðal þurfti lögregla að hafa afskipti af einstaklingum sem ýmist voru ölvaðir eða í annarlegu ástandi.

Einn var handtekinn í miðborginni fyrir að angra fólk, en viðkomandi lét ekki af ítrekuðum fyrirmælum lögreglu um að láta af hegðun sinni.

Þá fékk lögregla tilkynningu um ofurölvi einstakling fyrir utan heimahús í miðborginni. Kom í ljós að hann var fyrir utan eigið heimili, en hafði ekki orku í að koma sér inn. Lögreglumenn aðstoðu við að koma honum inn og til svefns.