Fótbolti

Berglind Björg á skotskónum í stórsigri

Arnar Geir Halldórsson skrifar
Berglind Björg Þorvaldsdóttir
Berglind Björg Þorvaldsdóttir Vísir/Vilhelm

Landsliðskonurnar Berglind Björg Þorvaldsdóttir og Hallbera Guðný Gísladóttir mættust í sænsku úrvalsdeildinni í fótbolta í dag.

Berglind Björg var í byrjunarliði Hammarby líkt og Hallbera Guðný hjá liði AIK.

Hammarby leiddi með einu marki gegn engu í leikhléi og tvöfölduðu forystuna snemma í síðari hálfleik. AIK náði að minnka muninn í 2-1 á 57.mínútu.

Sex mínútum síðar kom Berglind sér á markalistann og kom Hammarby í 3-1. Heimakonur bættu við einu marki úr vítaspyrnu áður en yfir lauk og lokatölur því 4-1 fyrir Hammarby.

Berglind Björg og stöllur hennar sigla lygnan sjó um miðja deild á meðan Hallbera Guðný og stöllur hennar eru í harðri fallbaráttu.

Sænski boltinn

Mest lesið


Fleiri fréttir

Sjá meira


×

Mest lesið