Framvísuðu fölsuðu umboði á lögreglustöð

Á lögreglustöðinni framvísuðu konurnar umboði frá eiganda umræddrar bifreiðar, þar sem stóð að hann heimilaði að lyklarnir væru sóttir. Lögreglumaður ákvað þó að hafa samband við eigandann, sem kannaðist ekki við að hafa veitt umrætt umboð fyrir afhendingu lyklanna.

Að símtalinu loknu var konunum tilkynnt að umboðið væri falsað og þær grunaðar um skjalafals. Þá var þeim greint frá því að þær hefðu réttarstöðu sakbornings í málinu.

Lögreglan á höfuðborgarsvæðinu stöðvaði fjölda fólks í umferðinni í gær, marga fyrir akstur undir áhrifum áfengis eða fíkniefna. Þá var tilkynnt um óhapp á Þingvallarvegi, þar sem ökumaður hafði misst stjórn á bifreið sinni og ekið á vegrið. 

Engin slys urðu á fólki en bíllinn var mikið skemmdur og flutt af vettvangi.