Sig­ríður ráðin leið­togi snjall­væðingar og staf­rænnar þróunar hjá Veitum

Í tilkynningu kemur fram að hún hafi starfað hjá Veitum síðastliðin þrjú ár við þróun og innleiðingu hermilíkana og stafrænna tvíbura af dreifikerfum Veitna.

„Sigríður hlaut doktorsgráðu í iðnaðarverkfræði frá Háskóla Íslands árið 2016. Doktorsverkefnið, sem var unnið í samstarfi við Matís, fjallaði um greiningu fiskveiðistjórnunar með líkönum og hermun. Hluti rannsóknarinnar var unninn við Berkeley háskóla í Kaliforníu sem og Chalmers tækniháskólann í Gautaborg. Að auki er Sigríður með meistara- og bakkalárgráðu í iðnaðarverkfræði frá HÍ.

Áður en hún gekk til liðs við Veitur starfaði hún við áhættustýringu hjá Arion banka en lengst af starfaði hún hjá Matís, einkum við ýmis rannsóknarverkefni í sjávarútvegi.

Verkefni Snjallvæðingar og stafrænnar þróunar næstu misserin snúa einkum að gagnagreiningum, frekari þróun hermi- og spálíkana þar sem bæði er beitt hefðbundnum aðferðum við líkanagerð sem og gervigreindaraðferðum. Þá eru stafrænir tvíburar í þróun og munu líta dagsins ljós á komandi ári en þeir bjóða upp á rauntímasýn á veitukerfin. Markmiðið með öllu þessu er að styðja við fjárfestingar, auka rekstraröryggi og veita viðskiptavinum Veitna betri þjónustu,“ segir í tilkynningunni.