Bó slaufar sínum Litlu jólum

„Kæru vinir það hryggir okkur að tilkynna sökum samkomutakmarkana, Covid ástands og öllum þeim kvöðum sem þessu fylgir verður Litlu jólum Björgvins í Bæjarbíói á Þorláksmessu frestað fram á næsta ár,“ segir Bó í tilkynningu á Facebook.

Hann segir jafnframt að miðar verði endurgreiddir ef þess er óskað.

„En þeir sem vilja halda í miðana sína er þeim það frjálst. Þetta verður bara svo flókið að bera fram mat og veitingar eins og við höfum alltaf gert með glæsibrag frá Kjötkompaní. Það hefur alltaf verið vinsælt á tónleikunum en nú verður það varla hægt með góðu móti og sómi sé af.“

Bó sendir þá hátíðarkveðju til aðdáenda sinna: „Góðar stundir og gleðileg jól og áramót. Sjáumst að ári kæru vinir.“