Innlit í þakíbúðina úr þáttunum Succession

Þættirnir fjalla um Roy fjölskylduna sem eru vellauðug og er búsett í New York. Einn af aðalkarakterunum er Kendall Roy sem heldur til í fallegri þakíbúð á Manhattan í þáttunum en eignin er í Pavilion A háhýsinu þar í borg.

Á YouTube-síðu Architectural Digest má sjá innlit í umrædda íbúð sem er metin á 23 milljónir dollara eða því sem samsvarar þrjá milljarða íslenskra króna.

Í íbúðinni eru fimm svefnherbergi og fjögur baðherbergi og er íbúðin 620 fermetrar að stærð og að auki eru 250 fermetra þaksvalir. Fasteignasalinn Stan Ponte fer í gegnum eignina í innslaginu hér að neðan.