Keppinautur Elíasar lánaður í ensku úrvalsdeildina

Lössl hefur verið í harðri samkeppni við íslenska landsliðsmarkvörðinn Elías Rafn Ólafsson um markmannsstöðuna hjá Midtjylland en nú má leiða að því líkum að Elías gangi að stöðunni.

Í gær var greint frá því að Elías hefði skrifað undir nýjan langtímasamning við danska félagið.

Brentford hefur verið í vandræðum eftir að aðalmarkvörður liðsins, David Raya, varð fyrir meiðslum en Lössl hefur reynslu úr ensku úrvalsdeildinni þar sem hann lék nítján leiki fyrir Huddersfield Town þegar liðið féll úr deildinni tímabilið 2018/2019.

Annar íslenskur landsliðsmarkvörður er á mála hjá Brentford en Patrik Sigurður Gunnarsson er samningsbundinn enska félaginu. Hann hefur leikið sem lánsmaður hjá Viking í Stavanger að undanförnu.